ओल

ओल
पहाट वारा अन्
ओल दवाची,
सांगती कहाणी
रोज प्रेमाची !
=शिव
400/13-06-2017

हायकू

#हायकू
वृक्ष कोरतो
निसर्गाचा सुतार
हा कारागिर


#हायकू
सुर मारूनी
वेधतो हा शिकार
रंगीत खंड्या

#हायकू
पाऊस आला
तृप्त चातक पक्षी
प्राशुन जल

#हायकू

मोर नाचतो
इंद्रधनु सजतो    
रंग पंचमी

ती परी

ती परी

सिग्न्ध तलम कांती
रूळले कुंतल खांद्यावरी,
गुलाबी लाली ओठी
स्मित हास्य चेहर्‍यावरी !

सज्ज धनुष्य भ्रुकुटी
करण्या वार कोणावरी?
नेत्री कटाक्ष तिरपा
ठेवित लक्ष प्रिया वरी !

सुडौल गौर काया
देतसे उठाव वसनांतरी,
परी म्हणू कि चित्र
भास हो पाहील्या वरी !

© शिवाजी सांगळे 🎭
http://marathikavita.co.in/marathi-shrungarik kavita/t28799/new/#new

हायकू

२७
गवत फुलं
वार्‍यावरती झुले
मन मोकळे

२६
झरा वाहतो
मंजुळ सरगम
सुर मैफल
२५
संततधार
भिजवतो पाऊस
छत्री उरूस

भय मार्ग

भय मार्ग

सोसायचे किती वार भूकेल्या नजरांचे
वाहायचे कसे डाग ओलेत्या जखमांचे

आक्रंदती मनातून...गात्रे हाेउन म्लानी
कोंडून राहती भाव...सारे आत मनीचे

तूम्हा न सांगता काहि लावूनी इथ बोली
देती विकून देहास......बाजारी मरणाचे

पैसाच येथला देव.....त्याचे पूजक सारे
तोची कमावती मोल लावूनी जगण्याचे

हा खेळ खेळतो कोण दावूनी भय मार्ग
खोटेच चालती डाव..जींकूनी हरण्याचे

© शिवाजी सांगळे 🎭
http://marathikavita.co.in/marathi-kavita-others/t28785/new/#new

हायकू

२४
वळीव सरी
भोवती मृदगंध
अत्तर कुपी

२३
नाजुक कशी
दव थेंबाची नक्षी
हार रत्नांचा

२२
पाऊस सरी
गडगड मेघांची
वाजतो ताशा

हायकू

२१
तांबूस लाल
फुले गुलमोहर
वणवा रानी

२०
घुमताे वारा
मधूर रानोवनी
सूर पावरी


१९
लोलक थेंब
पानांवर चमके
कानी कुंडल 

हायकू

१८
ओढ्याला पाणी
पाण्याची खळ खळ
पायी पैंजण

१७
होता सुर्यास्त
विखुरला अंधार
दिवा राऊळी

१६
फुलां बहर
दरवळ रानात
चित्त प्रसन्न

हायकू

१५
रश्मी प्रसार
आसमंती तांबड
सुरू आन्हिक


१४
निळ्या सागरी
उसळतात लाटा
डोलते नाव


१३
जल प्रपात
सर्वत्र पाणी पाणी
उरी अकांत 

सांगून टाळणे अन् टाळून ते जाणे

सांगून टाळणे अन् टाळून ते जाणे
मी जाणून आहे पक्का तुला शहाणे

घेवुनी इथे मी फ्रँक्चर पाय माझा
अशा प्रसंगी का विचार यावा तुझा
टाळता न टळले इस्पितळात जाणे ।

क्रोध येतो मला तुला कसे कळावे
वांछित तुज होतो तेही ना उमजावे
ठरवून सुध्दा भेट झाले न तुझे येणे ।

स्मरता कधी तुला हे दुःख दूर होते
राहूनी मौन स्वतःला सावरले होते
धरावी न अपेक्षा असे मनात येणे ।

© शिवाजी सांगळे 🎭
http://marathikavita.co.in/vidamban-kavita/t28769/new/#new