मी गेल्यावर

मी गेल्यावर 

श्वास मोकळा स्वकीय घेतील मी गेल्यावर

सरकारात नोंद एखादी होईल मी गेल्यावर

'बरा होता हो' हळूहळू कानात परस्परांच्या

प्रतिस्पर्धी काही, कुजबुजतील मी गेल्यावर

श्रोता हक्काचा गेला चुटपुटतील काही वेडे 

खंत एवढीच मात्र मागे राहील मी गेल्यावर 

भ्रम कोणता पाळू, काय होईल माझ्या मागे 

रहाटगाडे नक्की असेच चालेल मी गेल्यावर

नको तामझाम मुळी, न् अवडंबर हो कसले

होऊ देत, शांततेत सारेच खेळ मी गेल्यावर

वेगळे काय घडणार?रिक्त होता माझी जागा

नियम सृष्टीचा,नवा कुणी येईल मी गेल्यावर

https://marathikavita.co.in/index.php?topic=93127.new#new

©शिवाजी सांगळे 🦋 papillon

संपर्क: +९१ ९५४५९७६५८९

सीख

सीख

अतीत और भविष्य के बीच

एक अदृश्य दरवाजा या फिर

एक धूंधलीसी दिवार होती है

अतीत और भविष्य कि आँच

सचेत रखकर हमें,दूसरी ओर

सुख दुखों का अनुभव देती है

अतीत और भविष्य कि जांच

अच्छे बुरे, दोनों ही समय पर

जीने का सही हुनर सिखाती है

https://marathikavita.co.in/index.php?topic=92475.new#new

©शिवाजी सांगळे 🦋 papillon

संपर्क: +९१ ९५४५९७६५८९

आसुसलेला

आसुसलेला

गर्दीत हरवला माणूस माझ्यातला

शोधतोय सर्वदूर, कुणा रे गवसला 

नक्कीच इंटरनेटच्या जाळ्यात या 

असेल तो अलगदपणे गुरफटलेला 

दूर दूर क्षितिजावर एक धूसर रेषा

स्पष्ट दर्शवते भेद आम्हा दोघातला 

एक अधांतरी हो नाहीच्या चक्रात 

दूसरा घट्ट धरून मातीला बसलेला 

अपूर्ण शोध, स्वतःचा न् अनंताचा

अखंड धडपड तरीही आसुसलेला

https://marathikavita.co.in/index.php?topic=92145.new#new

©शिवाजी सांगळे 🦋 papillon

संपर्क: +९१ ९५४५९७६५८९

बेचैन २४०९२०२६ yq २३:३८:३९

बेचैन

इंतज़ार, बारिश और तुम

बूंद बूंद मे याद आते हो तुम!

हवा का झोंका, वो लहराती झड 

मानो, छूकर तन को जाते हो तुम!

हिचकोले लेता, इतराता छाता

जानबूझकर जैसे छेडते हो तुम!

चाहत भरा समा, सुहाना मौसम

इंतज़ार में बेचैन हम, कभी तुम!

©शिवाजी सांगळे 🦋 papillon

संपर्क: +९१ ९५४५९७६५८९

चाल आणखी

चाल आणखी

थांबलास का? चाल आणखी थोडे अंतर

आधी बोल एकावर,बोल दुसरे थोडे नंतर

हातचलाखी न् काय काय करतात कोणी

जादू करतो काळी,कुणी मारतो थोडे मंतर

पावलागणिक गाणे नवे,येथे नव्या पिढीचे 

आमचेही चालू असते, मधेमधे थोडे जंतर

एआय असो वा आणखीन ते नवीन काही

वापरावे हटकून, जुनाट एखादे थोडे तंतर

आंदोलने भले नको न् नकोत कसले मोर्चे

अनुभवा तरी दिल्लीतले, थोडे जंतर-मंतर

जंतर (जुने वाद्य) तंतर (तंत्र)

https://marathikavita.co.in/index.php?topic=91722.new#new

©शिवाजी सांगळे 🦋 papillon

संपर्क: +९१ ९५४५९७६५८९

चर्चेअंती

चर्चेअंती

का न व्हावे, फिरून एक आपण

ठेवूयात का जरा,दूर इगो आपण

मान्य! आवेग,वेग आहे भावनांना 

घेवू त्यांना अलगद जाणून आपण

विचित्रच वाटेल, थोडा प्रश्न माझा

तरीही शोधू उत्तर, एखादे आपण

चार ऐकवं न् ऐक दोन, जमल्यास

एकमेकांचे ही थोडेसे ऐकू आपण

काय चूक आपलं, न् काय बरोबर

चर्चेअंती खरं खोटं ते ठरवू आपण

https://marathikavita.co.in/index.php?topic=90742.new#new

©शिवाजी सांगळे 🦋 papillon

संपर्क: +९१ ९५४५९७६५८९

कर्तव्य न् सल्ला

कर्तव्य न् सल्ला

सर्वत्र एफ् डी ए च्या 

आता धाडी पडू लागल्या

कित्येक ठिकाणी हो

दुधाच्या नद्या वाहू लागल्या

जाणून कर्तव्ये कुणी 

नियमात कामे करतो आहे

सामान्य जरा सुखावता

महागाईचा भडका होत आहे

रंगुनी लाल रंगात

चायनीज सारेच हो रंगलेले

"तुका" म्हणे आता

भेसळहीन खाणे खरे चांगले

https://marathikavita.co.in/index.php?topic=89488.new#new

©शिवाजी सांगळे 🦋 papillon

संपर्क: +९१ ९५४५९७६५८९

आपलं जग २५०८२०२६ yq १६:४४:१४

आपलं जग

सगळं जग आपल वाटतं...

खरंच का हे बोलणं पटतं.? 

आभासी या स्वार्थी जगी

मोजकेच असावेत वाटतं.!

पहा शोधून,अवतीभोवती

खुल्या दृष्टीस कोण दिसतं!

एक एक दिसेल कैक रंगी

रंगाचं या,काही खरं नसतं!

प्रत्यक्षात, दिसतं ते नसतं

म्हणून अवघं जग फसतं!

©शिवाजी सांगळे 🦋 papillon

संपर्क: +९१ ९५४५९७६५८९

आठवणी रेंगाळलेल्या

आठवणी रेंगाळलेल्या

आंबट, काही गोड भोगलेल्या

आठवणी, ह्रदयात कोरलेल्या

तरीही हवा नकोसा एक स्वाद 

जगण्याला, या देऊन गेलेल्या

तुमच्या,माझ्या आणि सर्वांच्या

स्मरणात कायमच्या बसलेल्या

अशाच कित्येक हव्या नकोशा

विसरु म्हणता,ठाम रूतलेल्या

प्रत्येकाच्याच मनात असतात

काही "आठवणी रेंगाळलेल्या"

https://marathikavita.co.in/index.php?topic=89428.new#new

©शिवाजी सांगळे 🦋 papillon

संपर्क: +९१ ९५४५९७६५८९

अखेरचा तुम्हा दंडवत

अखेरचा तुम्हा दंडवत

अखेरचा घ्या तुम्हा दंडवत

सोडून देतो मिडिया

ग्रुपग्रुप मधून खूप बोललो

नको आभासी दुनिया

त्यां सोबतीने उठलो बसलो

कधी कधी तोंडावर पडलो

अखेरीस रे सत्य समजलो

कळली बोगस माया

वाटे सोडून जावे आता

भासच अवघे उरती आता

कुणी कुणाचा नाही त्राता

वेळ जाते बघ वाया

https://marathikavita.co.in/index.php?topic=89394.new#new

©शिवाजी सांगळे 🦋 papillon

संपर्क: +९१ ९५४५९७६५८९