राहू दे आठवणी

राहू दे आठवणी

तुझ्या जवळ राहू दे आठवणी माझ्या 

माझ्या जवळ राहू दे आठवणी तुझ्या 

स्मरणात राहतील काही तुझ्या माझ्या 

विस्मरुन जातील काही तुझ्या माझ्या 

आयुष्यभर चालता,खेळ आठवणींचा 

काय होईल मनस्थितीचे तुझ्या माझ्या 

सुत्रधार कोण सर्व या स्मृती खेळाचा?

लपंडाव म्हणू प्राक्तनाचा तुझ्या माझ्या 

ठसे गहिरे, मानले जरी हे गत काळाचे

देठ कायम हिरवे?मनात तुझ्या माझ्या 

https://marathikavita.co.in/index.php?topic=77322.new#new

©शिवाजी सांगळे 🦋 papillon

संपर्क: +९१ ९५४५९७६५८९

गणित काळाचे

गणित काळाचे

जिर्ण झाली पुस्तके, शुष्क झाली फुले,

बदलले चित्र हे कालौघात स्पष्ट झाले!

रंग विरला नी गंध हरवला पाकळ्यांचा

मुखपृष्ठ, साजिरे पुस्तकाचे काळवंडले!

भावना, विचार, संवेदना का हरवल्या?

शोधता शोधता हळूवार मन व्याकुळले!

कुठवर साथ, अन् त्यांना उरी बाळगावे

प्रश्न एकाएकी, मनी आज का प्रकटले?

जपावा अंता पर्यंत ठेवा उगा का वाटते

त्यांना ना मला,गणित काळाचे उमगले!

https://marathikavita.co.in/index.php?topic=76709.new#new

©शिवाजी सांगळे 🦋 papillon

संपर्क: +९१ ९५४५९७६५८९

तिच्या कविता

तिच्या कविता

ती नाही, पण तिच्या कविताच स्मरतात आता 

भासती मृगजळ आयुष्याच्या वाळवंटात आता 

सावलीत तारकांच्या..ओथंबल्या कधी भावना 

रात्रंदिन, कोणत्याही प्रहरी लुकलुकतात आता 

हळूवार स्वप्नांचे हिंदोळे..वाऱ्यावर त्या घेतलेले

गहिवरल्या अस्तित्वाच्या जाणीवा देतात आता 

पुन्हा कधी..अचानक आभाळ व्यापता मनाला 

निल नभाखाली..स्वप्ने डोळ्यात दाटतात आता

नसली जरी ती, तिच्या कविता स्मरतात आता

टायटॅनिक गीत हलकेच ओठ पुटपुटतात आता 

https://marathikavita.co.in/index.php?topic=73205.new#new

©शिवाजी सांगळे 🦋 papillon

संपर्क: +९१ ९५४५९७६५८९

अनोळखी २७११२०२५ yq २२:३५:१४

अनोळखी

ही रात्र ओळखीची 

तो चंद्र ओळखीचा 

पाहूनी सैरभैर तारे 

शशी तांबूस रंगाचा 

प्रतिक्षेत मी एकटी

लागेना ठाव त्याचा 

असा कुठे दूर गेला 

सखा हा सोबतीचा 

सांगेल कुणी मला?

पत्ता या हिमांशुचा!

©शिवाजी सांगळे 🦋 papillon

संपर्क: +९१ ९५४५९७६५८९

उणीव १९११२०२५ yq २०:५५:०७

उणीव

का तुझीच उणीव भासते अताशा 

रात्र ही का अशी अंधारते अताशा

चंद्रही झाकोळून जातो एकट्यात 

भिती कशाची, त्या वाटते अताशा

तारका पण सर्व..मावळल्या नभी 

खंत कोणती त्यांस बोचते अताशा

रात्रंदिन आठवतो मी खुपदा,तुला 

उचकी एखादी का लागते अताशा

तिव्र जाणिवेत, तुज अस्तित्वाच्या

विरह वेदना, ह्रदयी दाटते अताशा

©शिवाजी सांगळे 🦋 papillon

संपर्क: +९१ ९५४५९७६५८९

लाटेचे विरहगीत

लाटेचे विरहगीत

ओझरता काय होतो किनाऱ्यास स्पर्श लाटेचा

माघारी जाता म्हणते हा योग आपल्या भेटीचा

मलाही वाटते खुपदा थांबावे तुझ्या सोबतीला

तटस्थ ठाम तु,तोडू कसा नियम हा प्राक्तनाचा

अनिर्बंध धावते मी, खळाळून आशेने भेटीच्या

भेटता क्षणीच, जीव होतो पाणी पाणी मनाचा

सारेच येथले अनाकलनीय काही कळत नाही

परिस्थितीत साऱ्या कुणी दोष कुणास द्यायचा

तरी बरं,सोबती तुझ्या असतात बरीच जोडपी

ठरवते पाहून त्यांना,विरह आपला विसरायचा

अनोखा संसार मांडला नियतीने जगी आपला

कळेना टाळायचा कसा अटळ भोग जीवनाचा

https://marathikavita.co.in/index.php?topic=66530.new#new

©शिवाजी सांगळे 🦋papillon

संपर्क: +९१ ९५४५९७६५८९

जुने संदेश १२०९२०२५ yq १५:१५:२५

जुने संदेश

पुन्हा आज पाहिले संदेश जुने तीचे 

उमगले गुण काही अधिक उणे तीचे 

आयुष्य का जगता येते, स्वप्नात येथे

सलायचे सत्यास खाली पाहणे तीचे 

असतात काही इच्छा आकांक्षा मनी

चुक होते एकांगी विचार करणे तीचे 

करावी मान्य परिस्थिती सत्य येथली

खरे का म्हणू भुतकाळात रमणे तीचे

नाही ठेवायचे बोट, 'ती' म्हणून मला 

संदर्भात होते, खुप हट्टी वागणे तीचे 

©शिवाजी सांगळे 🦋papillon

संपर्क: +९१ ९५४५९७६५८९

अवेळ

अवेळ

ही रात्र बोचते मला जीवघेणा खेळ आहे 

चंद्रमा न् मीही एकटा नक्की कुवेळ आहे 

तारका नाहीत नभी, ती पण दिसत नाही 

ठरवून असावी चुकवली त्यांनी वेळ आहे 

अपेक्षित भेटीस इथे प्रतिक्षेत दोघे आम्ही 

कुठे ठावूक नाही तुम्ही कसला मेळ आहे 

का? हा असा विरह, तुम्हा आम्हा दोघांना 

काय असली ही?आपल्यावर अवेळ आहे 

काय चाललंय? काहीच कळेना मला तरी 

प्रक्तनाने मांडला, कसा विचित्र खेळ आहे 

https://marathikavita.co.in/index.php?topic=54885.new#new

©शिवाजी सांगळे 🦋papillon

संपर्क: +९१ ९५४५९७६५८९