मनोगत
नकोय गंभीर चेहरा,नको वैचारीकतेचा आव
लिही मनापासून,मनी उमटलेला सच्चा भाव
नाही जमला जरी आकृतिबंध, नियम न् छंद
तरी नक्की घे, तुझ्या शब्दात भोवतीचा ठाव
युगानुयुगे विरोधच होतोय इकडे नाविण्याला
लखलाभ त्यां करती जे मारुनी मिशीला ताव
घेतील जाणकार समजून एकएक शब्द तुझा
लक्ष नको त्यांकडे, करती जे उगा काव काव
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा