कामगार ०१०५२०२४ yq ०४:२४:१२

कामगार 

मी कामगार होतो कधीकाळी

होत्या मिल शहरात अन् चाळी

मिल, चाळी इथून सागळे गेले

कॉर्पोरेट कल्चर नी मॉल आले

गम्मत ती हरवली सणासुदीची

काळजी माणसां फक्त वेळेची

मालक, कामगारां मधला सुप्त

अज्ञात असा जिव्हाळा लोपला

असून नसून परस्परांकडे पैसा 

शोधा खर आनंदी कोण झाला

©शिवाजी सांगळे 🦋papillon

संपर्क: +९१ ९५४५९७६५८९

गुंता नात्यांचा २९०४२०२४ yq १७:०९:२३

गुंता नात्यांचा

गुंता नात्यांचा, प्रश्न भारी डोकेदुखीचा

होताच गैरसमज उरे ना कुणी कुणाचा!

सर्व दूरवर त्वरित पसरतो वणवा असा

हरएक उचलतो मौका तेल ओतण्याचा!

खरी गरज जपण्याची हल्ली नात्यांना

मैत्री, ओळख, वा असो संबंध रक्ताचा!

सहाय्य मदत, कशी काय कधी होईल

विसरावा का सर्व अनुभव कोरोनाचा?

सांभाळून घेता आत्मसन्मान आपला

तरीही सुप्त मनी उरतो गुंता नात्यांचा!

©शिवाजी सांगळे 🦋papillon

संपर्क: +९१ ९५४५९७६५८९

घेऊ पाहून

घेऊ पाहून 

तोलतो मला, जो तो आपल्याच नजरेच्या तराजू मधून

नको घाई मित्रानों एवढी जागी माझ्या पहा उभे राहून

सोसले अन् घाव झेलले, अगणित सोनवर्खी हत्यारांचे 

उभा राहिलो सामोर तरीही प्रत्येकाच्या मोकळे हासून

चालायचेच खेळ असे प्राक्तनाचे जुने अन् नवीन सुद्धा

रंग खरे खेळण्यात त्या आपले प्रत्येकाने दिले दाखवून

गोठले, आटले बर्फ जे आत आत धुमसत्या भावनांचे

ठेवले आक्रंदत त्यांना मी कसोटीवर काळाच्या बांधून

टळते वेळ, सरते वेळ घेऊन प्रत्येक वेळी एक हुशारी

होणारे ते होऊन जाईल, त्या त्या वेळी ते घेऊ पाहून

https://marathikavita.co.in/index.php?topic=45256.new#new

©शिवाजी सांगळे 🦋papillon

संपर्क: +९१ ९५४५९७६५८९

कॉमन मँन १९०४२०२४ yq १६:०७:१२

कॉमन मँन

नवी सुरूवात १८०४२०२४ yq १२:४१:२८

नवी सुरूवात 

नव्या नात्याची नवी सुरूवात...

हरकत नसेल तर हो म्हणूयात?

मला वाटतं, व्हावा एक प्रयत्न

नि:संकोचपणे, दोघं बोलूयात...

तेव्हा नेमकं नवीन होईल काय?

काहीही होवो, कॉफी पिवूयात!

वाटलंच तर, मग हळूवारपणे,

विषयाला सुरूवात करूयात...

मी तर मनापासून खरं सांगतो,

पुन्हा नवीन सुरूवात करूयात...

©शिवाजी सांगळे 🦋papillon

संपर्क: +९१ ९५४५९७६५८९

क्षण सौख्याचे

क्षण सौख्याचे

तळ्याकाठच्या आठवणी त्या

हल्ली पाठलाग असा का करती ?

उलटून गेलेल्या त्या सांजवेळा

अचानक उगाच पहाटे का स्मरती ?

स्पर्श,गंध, सहवास त्या वेळचा

राहतो रेंगाळत उगाच का भोवती ?

रंगाची उधळण समान भासते 

जातेय गोंधळून म्हणूनी का मती ?

खरे खोटे जरी काहीही असले

तरी देई जगण्या भास ही स्फूर्ती !

पुनरपि यावे, क्षण ते सौख्याचे

चक्रे डोक्यात अताशा का फिरती ?

https://marathikavita.co.in/index.php?topic=45254.new#new

©शिवाजी सांगळे 🦋papillon

संपर्क: +९१ ९५४५९७६५८९

वादे–बातें ०७०४२०२४ yq ०८:०५:०७

वादे–बातें

अच्छे अच्छों ने, कई भरौसे दिए

आसानी से उनको तोड़ भी दिए

हमारी अच्छाई, 

उन्हें अच्छों मे गिनते रहें...

करते है, वादे बडे, अक्सर सभी

मानो मतदाता सामने उनके कभी

अपने आप को,

शायद वो नेता समझते रहें...

मित्रों, जानो, समझो दिल टूटता है 

किसी मासूम का तुम्हें जो मानता है

क्यों, हरकतें ऐसी,

बेकार में बारबार करतें रहें...

©शिवाजी सांगळे 🦋papillon

संपर्क: +९१ ९५४५९७६५८९

नवीन नाही ०४०४२०२४ yq १४:३९:०४

नवीन नाही 

वेळे नुसार लोक बदलतात...नवीन नाही 
साधून स्वार्थ पसार होतात...नवीन नाही 

इथे रीतच ही खरी आजकाल जगण्याची 
देवून धोका अंतर राखतात...नवीन नाही 

'कामा पुरता मामा न् ताका पुरती आजी' 
जुने जाणते गोष्टी सांगतात...नवीन नाही 

जो तो फक्त इथे वेळेत..वेळेस बांधलेला 
जमेल तेवढी वेळ पाळतात...नवीन नाही

©शिवाजी सांगळे 🦋papillon
संपर्क: +९१ ९५४५९७६५८९

या रंगात २५०३२०२४ yq १७:५५:०५

या रंगात

जगावे रे सदा नित्य या रंगात जगाच्या

अन्यथा पडशील एकटा मागे जगाच्या

भोळीभाबडी नाही, जरा ही जगरहाटी

टाळता, राहशील पाठीमागे तु जगाच्या

चालते जग, कित्येक धर्म पंथात,रंगात

तरी असतो, एकच रंग रक्तात जगाच्या

विखुरला,वाटला गेला माणूस कितीही

उरते तरी, माणुसकी पाठीवर जगाच्या

ठरते श्रेष्ठ कायम कर्म आपले मानवाचे

होते अमर सत्कर्म इतिहासात जगाच्या

©शिवाजी सांगळे 🦋papillon

संपर्क: +९१ ९५४५९७६५८९

भिमरायाचं ज्ञान

भिमरायाचं ज्ञान

सोनं आहे शंभर नंबरी, माझ्या भिमरायाचं ज्ञान 

उद्धारुन सर्वांना जपलं सामाजिक समतेचं भान ||धृ||

संविधानाला दिशा दिली दलितांना आशा दिली

अन्यायाला विरोध करीत जगण्याची स्वप्ने दिली

शिक्षणाचे सांगून महत्त्व रुजविले रोप एक छान

शिकून व्हा रे, तुम्ही संघटीत दिली क्रांतीची तान

सोनं आहे शंभर नंबरी... || १ ||

मुक्त करून चवदार तळे लिहिली अनोखी गाथा

खुले करून पाणी जगास दावली समतेची कथा

पटवून परीभाषा विकासाची, दिले देशाला ज्ञान

बांधून सोन, कोसी, महानदी वरती धरणे महान

सोनं आहे शंभर नंबरी... || २ ||

स्त्रीमुक्ती,शिक्षण स्त्रीच्या कल्याणाचे बीज रोवले

परंपरा तोडाया, हिंदू कोड बिलाचे प्रयोजन केले 

अमर झाले प्रबुद्ध भारत, मूकनायकचे पान पान

दीन दलित गरीब वंचिताना त्वा दिला स्वाभिमान

सोनं आहे शंभर नंबरी... || ३ ||

https://marathikavita.co.in/index.php?topic=45253.new#new

©शिवाजी सांगळे 🦋papillon

संपर्क: +९१ ९५४५९७६५८९

आयुष्याशी प्रेम

आयुष्याशी प्रेम

आयुष्याशी प्रेम माझे ठरवून असे झाले नाही 

मागितले जे त्याने काही त्यास ना म्हटले नाही 

गट्टी दोघांची कधी, कशी जमली कुणा ठाऊक 

साथ एकमेकाची, सोडण्या कुणी धजले नाही

खोड्या त्याच्या, दोष माझे, जरी कित्येक तरी

अजूनही, स्पष्टीकरण कुणी कुणास दिले नाही

चढ उतार, रुसवेफुगवे, नात्यात या आले गेले 

ठावूक नाही, हिशोब त्यांचे, कधी मांडले नाही

आहे, खरी गम्मत थोडीशी आणखी छान पुढे

नाचवून,नाचून दोघं, अजून कुणी थकले नाही

https://marathikavita.co.in/index.php?topic=45252.0

©शिवाजी सांगळे 🦋papillon

संपर्क: +९१ ९५४५९७६५८९

संभ्रम ०६०३२०२४ YQ ११:३५:०२

संभ्रम

पुन्हा संभ्रम तोच...तोच का पडावा? 
आपलाच चेहरा का परका भासावा? 
तीच मी आणि आरसाही तो रोजचा 
माझं ठिक रे भेद त्याला का दिसावा?

नसले जरी ठरवून बदलत रोज रोज 
रंगानी मेकअपवर फरक का करावा?
वेळेनुसार रापतो आरसा अन् चेहरा 
खरं संबध यात कुणाचा का मानावा?

रोजचेच व्यापलेले तेचतेच ते जगणे 
भोवतीचा, नित्य रिवाज का असावा?
बदलावे जरा स्वतः म्हणता कधीतरी

क्षणोक्षणी बेत ठरलेला का फसावा?

©शिवाजी सांगळे 🦋papillon
संपर्क: +९१ ९५४५९७६५८९ 

कोरी वही २५०२२०२४ YQ ०३:२४:४०

कोरी वही

कोरी राहू लागलीय माझी वही...
तुझी आठवण कमी येते हल्ली
बाकी काही नाही!

वाटेल तुला, असं कसं बोलतो...
पण खरं सांगतो,तु सुद्धा हल्ली
काही बोलत नाही!

कटू आहे, तरी सुध्दा सत्य आहे...
दोघांमध्ये, पहिल्या सारखं प्रेम
आता राहीलं नाही!

©शिवाजी सांगळे 🦋papillon
संपर्क: +९१ ९५४५९७६५८९

चेहरे

चेहरे

आजकाल दिसतात कट्ट्यावर तेच तेच चेहरे
एकमेकांनाच करतात सलाम दुवा तेच ते चेहरे

हुजरेच होऊ लागलेत मक्तेदार सर्वत्र आताशा  
वावडे तरी तयांना आल्यावर, नव-नवीन चेहरे

प्रस्थापित मिरविती झेंडे, आपल्या ठेकेदारीचे
अन् हसून छद्मी न्याहाळती, नवोदितांचे चेहरे

होऊ लागलेत शब्द जुनाट, कंपू, टोळी हल्ली
प्रसंगी असतात, एकाचेच अनेक नकली चेहरे

चालू राहूदेत घोडदौड त्यांची त्यांच्याच प्रांगणी
कळेना नंतर, होतात गायब कुठे हे तेरडी चेहरे

https://marathikavita.co.in/index.php?topic=45241.new#new

©शिवाजी सांगळे 🦋papillon
संपर्क: +९१ ९५४५९७६५८९

येणे जाणे ०३०२२०२४ yq १७:०९:०७

येणे जाणे

झडणे, पडणे, फिरूनी उगवणे
दान निसर्गाचे, कर्म स्विकारणे

गमजा कुठवर कुणी माराव्या
जमले का कुणा नियती टाळणे

क्षणांक्षणांचा हा आनंद सोहळा
झुळूकीवर वाऱ्याच्या जगून घेणे

वाफ होत नभी मिसळून जाता 
पुन्हा फिरून तीचा पाऊस होणे

ठरवून सारे, चक्राकार येथल्या
ऋतूंचे ही आहे साऱ्या येणेजाणे

©शिवाजी सांगळे 🦋papillon

संपर्क: +९१ ९५४५९७६५८९

तो एक प्रवास ०३०२२०२४ yq ०९:०१:०७

तो एक प्रवास

मात्र तो एक प्रवास आठवणीतला
कधीकाळी आपण सोबत केलेला

हळव्या निकोप ह्रदयस्थ भावनांनी 
कसा कुणा ठाव मनस्वी जुळलेला

बदलले जरी संदर्भ, गती काळाची 
तरीही उरे तीच वहिवाट जगण्याची

पावलोपावलीचे ठसे ते अस्तित्वाचे
सांगतात गोष्ट त्या केल्या प्रवासाची

गर्दी, शहरात मनात देखील दाटली
एकच प्रश्न,अशी हुरहुर का वाढली?

शोधता, सरते रात्र हल्ली सोबतीला
अन् फिरून आठवांनी वाट काढली

©शिवाजी सांगळे 🦋papillon
संपर्क: +९१ ९५४५९७६५८९

आयुष्य

आयुष्य

फुलांसारखे आयुष्य आहे
फुलणे, दरवळणे कर्म आहे,
पोहचायचे मस्तकी, चरणी
फुलांच्या का हातात आहे?

कर्म अंती निर्णायक ठरते
हेच काय ते खरे सत्य आहे,
जन्म तो कसा कुठे घ्यावा
माणसा, का हे ठावूक आहे?

वय सरे माझे, तुझे करता
खरे आम्हा हाती काय आहे!
प्रौढी न् बढाया उगाचच्या
मुढ, का कोणी मारतो आहे?

https://marathikavita.co.in/index.php?topic=45239.new#new

©शिवाजी सांगळे 🦋papillon
संपर्क: +९१ ९५४५९७६५८९

तू नसल्यावर

तू नसल्यावर

असून पुर्ण, मी अपुर्ण उरतो तू नसल्यावर
गर्दीतही सऱ्या एकटा उरतो तू नसल्यावर

ताल सुरांची कधी नक्षत्रांची संगत असता
मैफल ती, मज बेरंग भासते तू नसल्यावर

भास आभास तुज अस्तित्वाचा खेळ होई
वावरता मी एकट्याने जेव्हा तू नसल्यावर

माहीत नाही संदर्भ मजला त्या चार ऋतूंचे
भासतो प्रेमऋतू मज पोरका तू नसल्यावर

नात्याला का नाव असावे? म्हणतो कोणी
कळू लागतो अर्थ जगण्याचा तू नसल्यावर

ग्वाल्हेर म.प्र.
https://marathikavita.co.in/index.php?topic=45236.new#new
©शिवाजी सांगळे 🦋papillon
संपर्क: +९१ ९५४५९७६५८९

श्रीराम अयोध्या पधारेंगे

श्रीराम अयोध्या पधारेंगे 

https://marathikavita.co.in/hindi-kavita/t44900/new/#new

©शिवाजी सांगळे 🦋papillon
संपर्क: +९१ ९५४५९७६५८९