आयुष्य
फुलांसारखे आयुष्य आहे
फुलणे, दरवळणे कर्म आहे,
पोहचायचे मस्तकी, चरणी
फुलांच्या का हातात आहे?
कर्म अंती निर्णायक ठरते
हेच काय ते खरे सत्य आहे,
जन्म तो कसा कुठे घ्यावा
माणसा, का हे ठावूक आहे?
वय सरे माझे, तुझे करता
खरे आम्हा हाती काय आहे!
प्रौढी न् बढाया उगाचच्या
मुढ, का कोणी मारतो आहे?
https://marathikavita.co.in/index.php?topic=45239.new#new
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा