अति लघु कथा लेबल असलेली पोस्ट दाखवित आहे. सर्व पोस्ट्स दर्शवा
अति लघु कथा लेबल असलेली पोस्ट दाखवित आहे. सर्व पोस्ट्स दर्शवा
रविवार, ८ जुलै, २०१८
रविवार, १३ मे, २०१८
मदर्स डे
मदर्स डे
रोजच्या प्रमाणे ती, आपल्या पेक्षा वयस्कर आणि आजारी म्हाताऱ्या, म्हातारींची काळजी घेत होती. तीला तेच जमत होतं, कदाचित सवय लागली होती.
गेट मधे गाडी थांबल्याचा आवाज झाला, तीनं डोळे बारीक करून पाहिलं, सजलेलं एक कुटुंब कुणा म्हातारीची चौकशी करीत होतं. तीनं, त्यांना 'ती'च्या खोलीजवळ सोडलं न् कामाला लागली.
काही वेळ 'त्या' म्हातारीच्या खोलीतून बोलण्या हसण्याचे आवाज येत होते. मुलगा, सुन, नात, नातू म्हातारीशी किती बोलू किती नको असं करीत, सोबत आणलेला गोडधोड खाऊ अपचन होणाऱ्या म्हातारीला भरवु पहात होते, आणि 'ती' सर्वजण जवळ असून शुन्यात पहात एकटी पहुडलेली...
मुलाने व्यवस्थापकाची भेट घेऊन पुढील सहा महिन्याचा चेक दिला... आणि 'ती'च्या खोलीकडे पहात म्हणाला... "हँप्पी मदर्स डे"
©शिव 13-05-2018
बुधवार, २५ एप्रिल, २०१८
याचक
याचक
याचक: खुप भूक लागा है, कुछ देव ना खानेको...
वाटसरू: चायपाव, वडापाव काय देऊ?
याचक: कुच बी चलेगा...
(वाटसरू हॉटेलमध्ये जाऊन ऑर्डर देतो)
हॉटेल मँनेजर: क्या सुनताय उसकी? वो ऐसाहीच करता है, नहीं खाएगा वो..!
वाटसरू: नाही हो, पैसे देण्या पेक्षा बरं ना? खायला मागतोय तो!
हॉटेल मँनेजर: आपकी मर्जी... ग्यारा रूपया दो... "ऐ... एक चायपाव पार्सल... लाना.
वाटसरू चहा पाव घेऊन
याचकाकडे जातो, प्रेमाने त्याच्या हातात चहापाव
देत...
...घे खाऊन, बाबा.
याचक चहापाव हाती घेतो, वाटसरू कडे भेदक नजरेने पहात...
पागल है दुनिया... पागल...हा
हा...
हॉटेल कडे पहात पावाचे तुकडे
करतो,
तोंडाने अतर्क्य बडबड करीत
असताना चहासकट पावाचे तुकडे इतस्ततः भिरकावून देतो...
©शिव 11-04-2018
याची सदस्यत्व घ्या:
पोस्ट (Atom)