ओढ नभाची
ओढ त्या नभाला, या नभाची लागली
होताच गळाभेट धरीत्री ही चिंब झाली
आतुरल्या या मृदेला,गंध मोहर सुटला
क्षणात अवघी सृष्टी, गंधाळून ती गेली
झाकोळल्या गगनी, रंग निळा सावळा
जणू भजनात सावळ्याच्या धरा दंगली
अंगोअंगी चिंब ओल्या फेसाळते भुमी
भासते अशी की,दुधात न्हाऊन आली
पांघरून घोंगडी करडी, दौडता चपला
भितीने तिच्या पाखरे अन् गुडूप झाली
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा