आनंद ओळी
होता कार्य काही मनाजोगे
दौडती वृत्तीत आनंदलहरी
रम्य भासता भोवती सगळे
आनंदी वाटे जग अष्टोप्रहरी
क्षण सौख्याचा, वा हर्षाचा
ठरवितो अवघा मन पसारा
सेवाकार्यी मग सहज गुंतते
दैवत मानून निसर्ग हा सारा
चंचल मन,भिरभिरे अखंड
व्याकुळता कधी सांजवेळी
अल्हादक न् फुंकर घालती
कवितेतल्या या चार ओळी
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा