चेहरे

चेहरे

आजकाल दिसतात कट्ट्यावर तेच तेच चेहरे
एकमेकांनाच करतात सलाम दुवा तेच ते चेहरे

हुजरेच होऊ लागलेत मक्तेदार सर्वत्र आताशा  
वावडे तरी तयांना आल्यावर, नव-नवीन चेहरे

प्रस्थापित मिरविती झेंडे, आपल्या ठेकेदारीचे
अन् हसून छद्मी न्याहाळती, नवोदितांचे चेहरे

होऊ लागलेत शब्द जुनाट, कंपू, टोळी हल्ली
प्रसंगी असतात, एकाचेच अनेक नकली चेहरे

चालू राहूदेत घोडदौड त्यांची त्यांच्याच प्रांगणी
कळेना नंतर, होतात गायब कुठे हे तेरडी चेहरे

https://marathikavita.co.in/index.php?topic=45241.new#new

©शिवाजी सांगळे 🦋papillon
संपर्क: +९१ ९५४५९७६५८९

येणे जाणे ०३०२२०२४ yq १७:०९:०७

येणे जाणे

झडणे, पडणे, फिरूनी उगवणे
दान निसर्गाचे, कर्म स्विकारणे

गमजा कुठवर कुणी माराव्या
जमले का कुणा नियती टाळणे

क्षणांक्षणांचा हा आनंद सोहळा
झुळूकीवर वाऱ्याच्या जगून घेणे

वाफ होत नभी मिसळून जाता 
पुन्हा फिरून तीचा पाऊस होणे

ठरवून सारे, चक्राकार येथल्या
ऋतूंचे ही आहे साऱ्या येणेजाणे

©शिवाजी सांगळे 🦋papillon

संपर्क: +९१ ९५४५९७६५८९

तो एक प्रवास ०३०२२०२४ yq ०९:०१:०७

तो एक प्रवास

मात्र तो एक प्रवास आठवणीतला
कधीकाळी आपण सोबत केलेला

हळव्या निकोप ह्रदयस्थ भावनांनी 
कसा कुणा ठाव मनस्वी जुळलेला

बदलले जरी संदर्भ, गती काळाची 
तरीही उरे तीच वहिवाट जगण्याची

पावलोपावलीचे ठसे ते अस्तित्वाचे
सांगतात गोष्ट त्या केल्या प्रवासाची

गर्दी, शहरात मनात देखील दाटली
एकच प्रश्न,अशी हुरहुर का वाढली?

शोधता, सरते रात्र हल्ली सोबतीला
अन् फिरून आठवांनी वाट काढली

©शिवाजी सांगळे 🦋papillon
संपर्क: +९१ ९५४५९७६५८९

आयुष्य

आयुष्य

फुलांसारखे आयुष्य आहे
फुलणे, दरवळणे कर्म आहे,
पोहचायचे मस्तकी, चरणी
फुलांच्या का हातात आहे?

कर्म अंती निर्णायक ठरते
हेच काय ते खरे सत्य आहे,
जन्म तो कसा कुठे घ्यावा
माणसा, का हे ठावूक आहे?

वय सरे माझे, तुझे करता
खरे आम्हा हाती काय आहे!
प्रौढी न् बढाया उगाचच्या
मुढ, का कोणी मारतो आहे?

https://marathikavita.co.in/index.php?topic=45239.new#new

©शिवाजी सांगळे 🦋papillon
संपर्क: +९१ ९५४५९७६५८९

तू नसल्यावर

तू नसल्यावर

असून पुर्ण, मी अपुर्ण उरतो तू नसल्यावर
गर्दीतही सऱ्या एकटा उरतो तू नसल्यावर

ताल सुरांची कधी नक्षत्रांची संगत असता
मैफल ती, मज बेरंग भासते तू नसल्यावर

भास आभास तुज अस्तित्वाचा खेळ होई
वावरता मी एकट्याने जेव्हा तू नसल्यावर

माहीत नाही संदर्भ मजला त्या चार ऋतूंचे
भासतो प्रेमऋतू मज पोरका तू नसल्यावर

नात्याला का नाव असावे? म्हणतो कोणी
कळू लागतो अर्थ जगण्याचा तू नसल्यावर

ग्वाल्हेर म.प्र.
https://marathikavita.co.in/index.php?topic=45236.new#new
©शिवाजी सांगळे 🦋papillon
संपर्क: +९१ ९५४५९७६५८९

श्रीराम अयोध्या पधारेंगे

श्रीराम अयोध्या पधारेंगे 

https://marathikavita.co.in/hindi-kavita/t44900/new/#new

©शिवाजी सांगळे 🦋papillon
संपर्क: +९१ ९५४५९७६५८९

प्रॉमिस-(गत वर्षाला) ३११२२०२२ YQ ०९:२८:४०

प्रॉमिस-(गत वर्षाला) 

गेले वाटते काही द्यायचे राहून

येत नाही तरीही काही आठवून

संकल्प केले, विसरलो किती

जाताजाता तु, घे ना रे समजून

उगवेल दिवस एक उद्या नवा

येईल आशा न् आकांक्षा घेऊन

पुन्हा उजळणी, पुन्हा संकल्प

प्रॉमिस, नाही जाणार विसरून

३११२२०२२ YQ ०९:२८:४०

©शिवाजी सांगळे 🦋papillon

संपर्क: +९१ ९५४५९७६५८९

पाणीपुरी

पाणीपुरी

"मी ओळखून आहे, सारे तुझे बहाणे"
ठाव मजला आवडे तुज पाणीपुरी खाणे

जाता पुरी मुखात, मुखी दाह का व्हावा
मिटताच ओठ, आस्वाद खरा समजावा
व्यर्थ ठरते येथे दूसरे काही विचारणे...

हाती पुरी गोल ज्याच्या त्याने का थांबावे
ज्याने न चाखली कधी, त्या कसे उमजावे
फस्त करीत पुऱ्या, ते समाधिस्त होणे...

दिसता कधी समोरी तो रंगबिरंगी ठेला
लगेच सुटे मुखी पाणी न् येतसे तजेला
मनी एक विचार फक्त पाणीपुरी खाणे...

 https://marathikavita.co.in/index.php?topic=45228.msg86749#msg86749

©शिवाजी सांगळे 🦋papillon
संपर्क: +९१ ९५४५९७६५८९

घालमेल १४१२२०२३

घालमेल

प्रयत्न करुन बघ, एकदा मन वाचून बघ 

कळतील सुखदुःखे, घालमेल ऐकून बघ 

मन चंचल, पाण्यातील मासोळी जणू

तसं तुझं वागणं देखील

लगेच थांग लागत नाही,

अन् माझी घालमेल होते...

समजून घ्यावं, द्यावं परस्परांना

यासाठी तर बधनात बांधतात ना?

आधी कसं कळायचं तुला सारं, 

माझ्या डोळ्यात पाहिल्यावर?

मलाही कधी भासली नाही गरज डिटेल्स सांगण्याची...

तेव्हा प्रेम होतं! मग आता कुठे गेलं?

राग, रुसवे तर चालतातच प्रेमात

म्हणून तर वाढते रंगत जगण्यात...

हरकत नाही तरीही, अजूनही बदल घडवू

बघ, ऐकताना, वाचताना अश्रू नको अडवू

मला माहीत होतं, असंच काही होणार

लाडाने कुशीत येत, तु नक्की सॉरी म्हणणार..।

©शिवाजी सांगळे 🦋papillon

संपर्क: +९१ ९५४५९७६५८९

तैयार हूँ २११२२०२२ YQ १०:४२:४५

तैयार हूँ

बस् एक ख़्वाब देख रहां हूँ ज़िन्दगी 

तुझे अपने साथ देख रहां हूँ ज़िन्दगी 

गुमनामी में बिता वक्त कुछ थोडासा 

अब तेरा इंतजार कर रहां हूँ ज़िन्दगी 

ऐसा मुहं फेर लिया, तुने लहरों जैसा 

मै, पानी में, तुझे देख रहां हूँ ज़िन्दगी 

रूठ जाना मुझसे, पर ख़फा न होना 

तेरे ही भरोसे, मै चल रहां हूँ ज़िन्दगी 

लेती है इम्तिहान कभी कभी, पता है 

चल एकबार तैयार हो रहां हूँ ज़िन्दगी 

©शिवाजी सांगळे 🦋papillon

संपर्क: +९१ ९५४५९७६५८९