बातें आइने से

मंद प्रकाशी

मंद प्रकाशी

त्या चंद्र सावली डोहासाठी
व्याकूळ,वेडी,विरही धरती,
स्वैर सभोवती पोकळ नभी
शोधात फिरे एकाकी अंती !

मिलन म्हणू की विरहवेणा?  
उगवता न् एक अस्ता जाती,
युगे युगे का प्रहर टिकवितो 
अर्धशृंगारीक ती धूसर नाती?

निळ्या जळात सावळ अंबर
मिळून एकत्र अलिप्त राहती,
स्पर्श वाऱ्याचे ते झुळझुळते
अंतरे का मग स्वयें मोजती?

धुके धरता ओटीत बाळसे
झरते पान्हे कशात विरती?
ओलसर गोंडस रूप घेता  
इंद्रधनू प्रकटण्या आतुरती !

तारकांच्या गूढ मंद प्रकाशी
आभास मनचे खेळ खेळती,
घेऊनीया सुर्य रोज उगवतो
ह्रदयस्थ धगीची नाती गोती !

© शिवाजी सांगळे 🎭
मो. ९५४५९७६५८९ 
http://marathikavita.co.in/marathi-kavita-others/t31545/new/#new

सुख

५२७/२१०२२०१९

मौन बातें

गुम हैं घर

सोच

हायकु_१० (धूप)

गावात

गावात

राहणे माझे जरी शहरात आहे
गुंतला अजून जीव गावात आहे

सूर पारंब्या आणि आठवते नशा
पोहायची नदीच्या पाण्यात आहे

खेळलो खेळ मी सारे मातीत ज्या
दरवळ तीचा आजही मनात आहे

आवाज गुंजतोय कानी अजूनही 
पारवा तो मोकळ्या रानात आहे

तुरा आठवतोय ऊसाचा कोवळा
उभा डौलात काळ्या शेतात आहे

जरी उडवतो गाड्या शहरात येथे
असली मजा त्या बैलगाडीत आहे

© शिवाजी सांगळे 🎭
मो. ९५४५९७६५८९
http://marathikavita.co.in/marathi-kavita-others/t31532/new/#new

गनिम

तन्हा हूँ मैं