तुज दारी
श्वास चाले कानी पडता किर्तन अभंग
विसरुन देहभान होतो मी तुज दारी दंग...धृ
एकएक शब्द रुजवी अंतरात ज्ञान
मोह माया विसरतो सारा अभिमान
देतो भक्तीची सर्वां खरी खुरी जाण
टाळ, मृदंग सोबतीने आगळाच रंग...१
श्वास चाले कानी पडता किर्तन अभंग
साऱ्या सान थोरां अखंड तुझी ओढ
भाव भोळी भक्ती आम्हा मनात वेड
आषाढी कार्तिकीला पुरवतोस लाड
वर्षभर पुरतो आम्हा तुझा अल्प संग...२
श्वास चाले कानी पडता किर्तन अभंग
https://marathikavita.co.in/marathi-bhakti-kavita/t36865/new/#new
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा