दे धक्का...! आत्मपरीक्षण?

दे धक्का...!
आत्मपरीक्षण?

हल्लीच पोलिसांच्या मागे
लोक हातधुवुन का लागले?
परीस्थितीचा विचार करा
कुणाचे, कुठे, काय चुकले?

दोहोंना आता आत्मपरीक्षण
करण्याची नक्की गरज आहे,
दोघांतील राजकिय हस्तक्षेप
खरचं टाळण्याची गरज आहे !

© शिवाजी सांगळे 🎭
http://marathikavita.co.in/marathi-vatratika/t25346/new/#new

दे धक्का...! उपकर

दे धक्का...!
उपकर

अपघात रोखण्यासाठी आता
नविन वाहनांना उपकर लावणार,
लावणार आहात उपकर, तर
अपघातप्रवण रस्ते कोण सुधारणार?

अगोदरच सर्वांकडून रोड टँक्स
बर्‍यापैकि वसूल केला जातो,
बिओटी मधुन रस्ते तयार होतात
मग जमा झलेला कर कुठे जातो?

© शिवाजी सांगळे 🎭
http://marathikavita.co.in/marathi-vatratika/!-25313/new/#new

दे धक्का...! वाँट्सअँप, सं/वाद

दे धक्का...!
वाँट्सअँप, सं/वाद

अभिव्यक्ती स्वातंत्र म्हणजे
कुठेही काहिही लिहायचं,
वाँट्सअँप वापरताना मात्र
थोडसं तारतम्य पाळायचं !

वाँट्सअँपचं लिखाणं आता
भोसकण्या पर्यंत गेलं आहे,
प्रत्येकाने नक्की ठरवा आता
तुम्हाला कुठवर जायचे आहे!

© शिवाजी सांगळे 🎭
http://marathikavita.co.in/marathi-vatratika/t25286/new/#new

येणे जाणे येथवरचे

येणे जाणे येथवरचे

चुकलेच ना कोणा, येणे जाणे येथवरचे
आला कोण मुक्कामी, येथे आराम कराया?

जिर्णत्व जयांचे सत्य, वसनापरी ती नाती
गुंतुनी भावनेत सार्‍या, कष्टतो उगी जगाया !

जो जगतो स्वतः,  तो आपुल्याच साठी
व्यर्थ त्रासतो जीवश्च, दुसर्‍यां प्रेम दावाया!

जाणता एकदाच ते, सत्य सारे जीवनाचे
उमगतो हिशोब मग, बसलोय जो कराया !

© शिवाजी सांगळे 🎭
http://marathikavita.co.in/marathi-bhakti-kavita/t25276/new/#new

दे धक्का...! "जिवो"जी भरके

दे धक्का...!
"जिवो"जी भरके

हम तो जी रहें है मजे में
अब तुम भी जीभरके "जिवो",
साठ दिवसांसाठी फुकट देतो
नंतर पैसे देवुनच वापरा "जिवो"!

"दुनिया मुठ्ठीमें" आधीच होती
केली बघा सेव्हन-जी ची तयारी,
मस्त वापरा तुम्ही आता "जिवो"
घेतो मी धंदा वाढवाया भरारी !

© शिवाजी सांगळे 🎭
http://marathikavita.co.in/marathi-vatratika/!-''-25266/new/#new

ओझे श्वासांचे

ओझे श्वासांचे

सुटता मिठी जरा दुश्मनाची
आपलेच तेंव्हा वार करते झाले!

सुटला उसासा जरा वेदनेचा
हसण्या स्वकिय ते गोळा झाले!

झेलता झेलता प्रपात दुःखांचे
दुःखाशीच आता मज प्रेम झाले!

जगावे किती अजुनी जीवना?
अवजड ते ओझे श्वासांचे झाले!

© शिवाजी सांगळे 🎭
http://marathikavita.co.in/marathi-kavita-others/t25257/new/#new

दे धक्का...! चँनेल बंदी

दे धक्का...!
चँनेल बंदी

भारतीय चँनल्सना घालणार
आता पाकिस्तानात बंदी,
तरी सुध्दा इथे काहि लोक
त्यां कलाकारांसाठी आनंदी!

संस्कृती अशी एकाबाजूने
कधी रूजवता येतच नाही,
कट्टरतेचा पुरस्कार करणार्‍या
देशात संस्कृती कधी रूजत नाही !

© शिवाजी सांगळे 🎭
http://marathikavita.co.in/marathi-vatratika/!-25256/new/#new

प्रवास...

दे धक्का...! मुंबईचा पुळका

दे धक्का...!
मुंबईचा पुळका

भ्रष्टाचारावर ओरड करणारे
जीएसटीचं श्रेय घेवु लागले,
मुंबईच्या स्वायतत्तेचे डोहाळे
प्रत्येकाला आता लागु लागले?

सोन्याचं अंड देणारी कोंबडी
कुणी आता कशी पाळायची?
त्याच तयारीला लागलेत सारे
ठरवून मुंबई ताब्यात घ्यायची !

© शिवजी सांगळे 🎭
http://marathikavita.co.in/marathi-vatratika/!-25241/new/#new

दे धक्का...! पुन्हा स्वामी

दे धक्का...!
पुन्हा स्वामी

कोण योग्य कोण अयोग्य
वदले पुन्हा सुबह्मण्यम स्वामी,
यांना काढा त्यांनाच नेमा
दरवेळी आग्रह करतात स्वामी!

दिल्लीत म्हणे  गरज आहे
संघाच्या माणसाच्या नेमणुकीची,
जंग यांना पदावरून काढावे?
गरज नाही  वाटली कारणांची?

© शिवाजी सांगळे 🎭
http://marathikavita.co.in/marathi-vatratika/!-25221/new/#new