नजारे किनारे
नकोत हे नजारे नको चंद्र तारे
भावतात मला मोकळे किनारे
पायी खेळते मुक्त रेशीम वाळू
मृदुल भास, अल्हाददायी सारे
मंद स्पर्शातून, हळूवार छेडती
स्वरात वाहणारे, खोडील वारे
विसावा हा आतूरल्या जीवांचा
भेटती येथे कैक अधीर बिचारे
येथेच भेटते, क्षितिज गगनाला
हवेत कशाला, डोईवरुन पहारे
आवडती मला, सागरी किनारे
नकोत चंद्र तारे, नको ते नजारे
https://marathikavita.co.in/index.php?topic=70004.new#new
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा