.jpg)
फायद्यात यावे
पाहिलेले एक स्वप्न केंव्हातरी सत्यात यावे
शब्द भारदस्त चांगले माझ्या भात्यात यावे
लिहितोय हो, आजवर मी रोज काहीबाही
गुपचूप कोणते तरी अनुदान खात्यात यावे
घडताना उगा घटना विचित्र काही भोवती
वाटेल का कधी कुणा फुकट गोत्यात यावे
अशीच चालते,जगरहाटी आजकाल भावा
नाही कुणी आप्त कुणाचे,का नात्यात यावे
सोसलाय घाटा बराचसा वावरताना इकडे
वाटते फिरून पुन्हा एकदा फायद्यात यावे
https://marathikavita.co.in/index.php?topic=70081.new#new
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा