पुरक
होडीने नेहमी वाट पाहावी किनाऱ्याची
किनाऱ्याने पण प्रतिक्षा करावी होडीची
समजून, अविभाज्यपण ते परस्परांतले
दोघांनी पण इभ्रत राखावी एकमेकाची
त्रयस्थ असूनही खरी गरज लाट येथली
अपरिहार्यता, स्विकारून घ्यावी लाटेची
म्हणो तरबेज आहे खुप कुणी स्वतःला
चालत नसतेच, तरीही अरेरावी एकाची
म्हणताना आहो पुरक परस्परां आपण
तेंव्हाच चालेल, नौका भावी जीवनाची
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा