आयुष्याचे कोडे
कोडे आयुष्याचे अताशा उलगडते आहे
पुन्हा फिरून त्यातच का गुरफटते आहे
भ्रामक पसारा जगण्याचा कळू लागता
ओढीने त्याच्या उगाचच फरफटते आहे
विना स्वार्थ का बोथट सारे जीणे इथले
साधण्यास स्वार्थ केवळ तडफडते आहे
उपभोगून सौख्य सगळे स्व-काळातील
खोंड जुने नव्यांच्या मधे कडमडते आहे
थांब म्हणते शरीर आता वार्धक्याकडले
ऐके ना मन, जे सत्तेसाठी सरपटते आहे
जोपासावी कुठवर लालसा अन् वासना
देह कुडी जेव्हा काठीसंगे लटपटते आहे
https://marathikavita.co.in/index.php?topic=70528.new#new
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा