शिवाजी म्हणतो

रविवार, १२ डिसेंबर, २०२१

पालखी साईची

निघाली पालखी, पालखी पायी शिर्डीला

आतुर झाला, झाला भक्त साई भेटीला ||धृ||

घेऊन ध्वज हाती, मुखी नाम साई

दूर दूर वाट अखंड चालतोय पायी

उनवारा सोशीत ऐसा भक्त चालला

मान देऊनी अवघ्या श्रद्धा सबुरीला

आतुर झाला, झाला भक्त साई भेटीला ||१||

सर्वधर्म समभाव जीथे जपतो साई

अहोरात्र धुनी तेवते, ती द्वारकामाई

म्हणती सुखाने त्यांना मोक्ष लाभला

पुण्यभूमीत येता भक्त भरून पावला

आतुर झाला, झाला भक्त साई भेटीला ||२||

सांगूनी मंत्र गेले 'सबका मालिक एक'

नाही दुजे रामरहिम आहेत दोन्ही एक

श्रध्दाळूंच्या श्रद्धेला जो नेहमी पावला

ऐसा साईराम भक्तांना शिर्डीत गावला

आतुर झाला, झाला भक्त साई भेटीला ||३||

चालली पालखी, पालखी पायी शिर्डीला

आतुर झाला, झाला भक्त साई भेटीला ||धृ||

https://marathikavita.co.in/marathi-song-lyrics/t35101/new/#new

संपर्क: +९१ ९५४५९७६५८९

मंगळवार, २५ जानेवारी, २०२२