अवशेष माझा

अवशेष माझा

बदलतोय पहा कुस आता देश माझा 
प्रत्येक जण सांगतो चढव वेष माझा

हर एक इथे बोलतो दाखवित डोळे
धर्म, जात न् पंथ आहे विशेष माझा 

करूनी हुकूमत अंधारावर म्हणतो 
पुरून ठेव उरात हा अवशेष माझा 

विचारच खुंटतोय सारासार आता 
चढविता कोणी दाखवतो जोश माझा 

कशाला म्हणता मी दीन दुबळा झालो 
जाळपोळ, दंगलीत बघा त्वेष माझा

© शिवाजी सांगळे 🎭
संपर्क:९५४५९७६५८९
http://marathikavita.co.in/marathi-kavita-others/t30669/new/#new