उत्तर

रिश्ते

कबाड़

बादल

करवटें

पण काहीही म्हणा... हातात हात

पण काहीही म्हणा...
हातात हात

राजकारणावर आता काही
नवं लिहावसं वाटत नाही,
कोणताही रंग कसा असो
कुणातच कसला दम नाही !

दाखवायचे दात प्रत्येकाचे
इथे वेगळे वेगळेच आहेत,
खातांना मात्र प्रत्येका हाती
एकमेकांचेच  हात आहेत !

© शिवाजी सांगळे 🎭
http://marathikavita.co.in/marathi-vatratika/t25832/new/#new

!! आरती श्री स्वामी समर्थ !!

!! आरती श्री स्वामी समर्थ !!

श्री स्वामी समर्थ, जय जय स्वामी समर्थ
तुम्हा कृपेने, जीवन आमुचे होउ दे सार्थ!!धृ!!

कृपा तुमची सदैव असता, ना हो कुणी कष्टी
राहुनी अक्कलकोटी, असते आम्हावरी दृष्टी
गाउ किती, वर्णु किती, करू किती स्वार्थ
तुम्ही दिला, तुम्ही घडविला, जीवनासी अर्थ

श्री स्वामी समर्थ, जय जय स्वामी समर्थ
तुम्हा कृपेने, जीवन आमुचे होउ दे सार्थ !!१!!

भिऊ नकोस म्हणता, नेमे पाठीशी असता
संकट काळी, बळ देउनी, हरविल्या चिंता
वेळोवेळी प्रत्यय देउन, दिले कृपा तिर्थ
होउन आता कृष्ण, करा शिवास कृतार्थ

श्री स्वामी समर्थ, जय जय स्वामी समर्थ
तुम्हा कृपेने, जीवन आमुचे होउ दे सार्थ !!२!!

© शिवाजी सांगळे 🎭
http://marathikavita.co.in/marathi-bhakti-kavita/!!-!!-25800/new/#new

लग्न म्हणजे ?

लग्न म्हणजे ?

लग्न म्हणजे काय असते?
दोन जीवांची गरज असते !

स्वतःची जरी नसली तरी
घरच्यांची ती निवड असते !

मिरवायचे जरी नसले स्वतः
इतरांची तशी हौस असते !

पहावं करून लग्न एकदा
लग्ना नंतर वरात असते !

वरात तर चालते जोरात
वर्‍हाडी मंडळी भरात असते !

चुकवत सारया त्या नजरा
जोडी स्वतःत गुंग असते !

सांभाळत उभयता संसार धुंदी
जीवना गोडी वाढवायची असते !

नाहीतर नवरा आपल्या घरी
अन् बायको माहेरात असते !

© शिवाजी सांगळे 🎭

http://marathikavita.co.in/vidamban-kavita/t19117/msg56122/#msg56122

घायाळ

घायाळ

किती अजुन छळणार
केवळ तू नजरेने?
आधीच घायाळ केलास
कलेजा तू नजरेने !

© शिव 🎭

कंठ

कंठ

सुमधुर आधीच तो, आषाढात गायलेला
रानात कंठ झर्‍याचा, अाता दाटू लागला!

=शिव

शोध... स्वतःतल्या "स्व" चा

शोध...
स्वतःतल्या "स्व" चा

पसारा गोंधळल्या मनाचा
कसा सावरावा, कसा आवरावा ?
उडणार्‍या पाखराचे पंख
जेव्हा आपलेच वाटू लागतात
मग उडू लागतं, भरारी घेऊन मन,
स्वच्छंद... मोकळ्या पोकळीत...
कधी समाधी अवस्थेत,
तर कधी बधिर स्थितीत...!
कोणती अवस्था खरी...?
भानावर येते घंटेच्या स्वराने
कि तल्लीन होते कधी...पेटीच्या सुरांनी?
अगणित कोड्यांच्या, कोषात,
जोड्यांत गुंफलेलं, फुल पाखरू
सोडू पाहतं कोषाला कधी?
तरी गुंतत राहतं, एकसुरी... अल्पजीवी...
कृष्णविवरात या, "स्व" दिसत नाही,
कधी स्वतःतला, ऐकू येत नाही...
आवाज आतला...
कळूनही गीतेचा अर्थ,
गुरफटत राहतो व्यर्थ !
ऐकून सुध्दा...
ज्ञानोबाची, तुकोबाची, एखादी ओवी...!
कणा कणांनी बनलेल्या
गोळ्याला जोजवलं जातं
अलवारपणे रूजवलं जातं
कालांतराने शरीर मोकळेे होतं...
मन पुन्हा उंचउडू पाहतं,
आभाळाला गवसणी घालायला,
हरवलेल्या "स्व" शोधायला,
अविरत चक्रात फिरायला,
चौर्‍याऐंशी कोटी, कुणी म्हणे दोन?
कोणास ठाऊक? खरं खोटं...
हाच प्रश्न फिरत ठेवतो मनाला,
अनंत काळ शोधायला...
काळ शोधायला...अनंत...अनंत

© शिवाजी सांगळे 🎭
http://marathikavita.co.in/marathi-kavita-others/''-25781/new/#new

बंदि

बंदि

दिवाळीत फटाक्यांवर, बंदि घाला,
रानात यंदा पाखरांनी, फैसला केला!

=शिव

पण काहीही म्हणा... सवलत

पण काहीही म्हणा...
सवलत

मिळतात फायदे म्हणुन
घ्यायचे कोण सोडतो आहे?
परवडणारा सुध्दा रोज
सबसिडीतुन जेवतो आहे !

फुकट ते पौष्टीक असते
हाच सार्वत्रिक समज आहे,
परवडत असुन सुध्दा, सर्व
उगा सवलत घेणे गैर आहे !

© शिवाजी सांगळे 🎭
http://marathikavita.co.in/marathi-vatratika/t25773/new/#new

पण काहीही म्हणा... भारत देशा?

पण काहीही म्हणा...
भारत देशा?

आधी वाटला दोन देशात
पुढे विखुरला जाती धर्मात,
भोग असे का भारत देशा?
वाटला जातोय आरक्षणात?

सत्तरीच्या वयात सुद्धा, का
नसे समानतेची न्याय सत्ता?
पुरविता लाड ते विविधतेचे
बनावी कशी जगी महासत्ता?

© शिवाजी सांगळे 🎭
http://marathikavita.co.in/marathi-vatratika/t25735/new/#new

ये उम्र बता जरा?

ये उम्र बता जरा?

बुने थे कुछ सपने
रेशम की डोरसे
फिसल गये हाथों से
रेत की तरहा...

वक्त चलता रहा
घडीके फेरों के साथ
तरसती रही उम्र
सुनी र्आँखों की तरहा...

क्या पता था आसमांको
जमीं और उसके बीच
थमेंगी कोहरेकी चादर
दरार की तरहा...

ये उम्र बता जरा?
कब तब चलेगा यह
सिलसिला धुंप छाँव का
दिन और रात की तरहा...

© शिवाजी सांगळे 🎭
http://marathikavita.co.in/hindi-kavita/t25723/new/#new

पण काहीही म्हणा... संबध दोष

पण काहीही म्हणा...
संबध दोष

विवाहबाह्य संबध म्हणे वाढले
फेसबुक आणि वाँट्स अँप मुळे,
ओळख नसलेल्या नात्यांमधे
कुणाशी कसे वागावे का न कळे?

माध्यमांना दोष द्यायचा, पुरती
सवयच बघा आम्हाला लागली,
चुकिच्या मार्गी स्वतः जाताना
स्वतःचीच लाज का न वाटली?

© शिवाजी सांगळे 🎭
http://marathikavita.co.in/marathi-vatratika/t25715/new/#new

पण काहीही म्हणा... समाज मन

पण काहीही म्हणा...
समाज मन

बलात्कार करणारा तो, तर
मुकाट बलात्कार करून जातो,
रस्त्यां रस्त्यावर समाज मात्र
सार्वजनिक मालमत्ता पेटवून देतो !

अश्याने का बलात्कार्‍यांच्या
वृत्तीत कधी, काही बदल होतो?
बदलायचे म्हणता, समाज मन
त्यावेळी आम्ही शांत का बसतो ?

© शिवाजी सांगळे 🎭
http://marathikavita.co.in/marathi-vatratika/t25693/new/#new

लोकल ट्रेन - जीवनवाहिनी

लोकल ट्रेन - जीवनवाहिनी

          मुंबई व तीच्या उपनगरातील लोकांची जीवनवाहिनी, अर्थात मुंबईची लोकल ट्रेन. अगदि छत्रपती शिवाजी टर्मिनस (सीएसटी) ते खोपोली, सीएसटी ते पनवेल तसेच चर्चगेट ते डहाणु पर्यंत राहणार्‍या चाकरमान्यांची हि लाईफ लाईन.

          उद्या दसरा सर्वांना सुटी असल्या मुळे एक दिवस अगोदरच मुंबईचा लोकल प्रवासी या लाईफ लाईनचं कौतुक करतो, तीची पुजा करतो, एक प्रकारे तीच्या बद्लची कृतज्ञता व्यक्त करतो. वर्षभरात जरी कधी ती उशीरा धावली, रद् झाली तरी तेवढ्या वेळापुरता तीच्यावर रागवणारा, वेळ प्रसंगी शिव्या देणारा, तीची अडवणूक करणारा प्रवासी दसर्‍याच्या दिवशी सर्व विसरून तीला सजवतो, नारळ, हार व प्रसाद अर्पण करतो तसेच त्या वेळी ड्युटीवर असलेले मोटरमन व गार्ड यांचा शाल व श्रीफळ देउन सत्कार करतो, प्रत्येकजण आपआपल्या कंपार्टमेंट मधे सजावट करून देवीप्रतिमेला गंध, पुष्प वगैरे अर्पुण आरती करतो नंतर प्रसाद दाखवुन अल्पोपहार व भेट वस्तुंचे वाटप करतो.  

          प्रवास संपता संपता पुढच्या वर्षी येणार्‍या दसर्‍याचे मनसुबे करीत आप आपल्या कामाला निघुन जातो. इतक्या दोन विरूद्ध टोकाचे स्वभाव दर्शन घडते मुंबईच्या लोकल प्रवाश्याचे. हि कहानी आहे मुंबईच्या धावत्या लोकलची व तीच्या प्रवाश्याची ...

          आम्ही पण आज सालाबाद प्रमाणे आमच्या सकाळच्या ८.११ बदलापूर ते सीएसटी लोकलची गाडीच्या अन्य प्रवाश्यासारखी पुजा केली व सर्व सह प्रवाश्यांसोबत अल्पोपहार करून आप आपल्या कामाच्या गंतव्य ठिकाणी उतरून मार्गस्थ झालो, पुढील दसर्‍याची वाट पाहण्या साठी.

© शिवाजी सांगळे 🎭
http://marathikavita.co.in/marathi-lekh/t25689/new/#new

पण काहीही म्हणा... जय हो, वाघ

पण काहीही म्हणा...
जय हो, वाघ

नामशेष होणार्‍या वन्यजीवात
आता वाघांचीही वर्णी लागली,
जय वाघाच्या गायब होण्याने
सर्वत्र त्यांची चर्चा होउ लागली!

सरकार दरबारी पाहीलचं तर
बरेच कागदी वाघ नाचवले गेले,
संवर्धनाच्या आरोळ्या देणार्‍या
अधिकार्‍यांचे मांजर कसे झाले?

© शिवाजी सांगळे 🎭http://marathikavita.co.in/marathi-vatratika/t25680/new/#new

पण काहीही म्हणा... रोप वे ची शक्कल

पण काहीही म्हणा...
रोप वे ची शक्कल

मेट्रो झाली नंतर मोनो झाली
एसी लोकलचीही चाचणी झाली,
गर्दी कमी करण्या साठी आता
रोप वे ची शक्कल कशी लढवली?

खरा प्रश्न गर्दीचा वेगळाच आहे
एकाच दिशेला सार्‍यांचा फ्लो आहे,
कार्यालयांचे विकेंद्रींकरण व्हावे
यावर हाच एकमेव तोडगा आहे !

© शिवाजी सांगळे 🎭
http://marathikavita.co.in/marathi-vatratika/t25653/new/#new

देह

!! देह !!

सुख दु:खा साठी, देह हो कारण !
पाप पुण्य ध्यान, मनातले !!

देह हा नश्वर, विकारांचे घर !
किती अवडंबर, करायाचे?

शुध्द देहा जोड, सात्विक विचार !
होई जो आधार, ध्याना सवे !!

देह शुध्दी मात्रे, सुचिर्भुत र्‍हावे !
मनी दृढ व्हावे, म्हणे शिवा !!

 © शिवाजी सांगळे 🎭
http://marathikavita.co.in/marathi-bhakti-kavita/!!-!!-25638/new/#new

पण काहीही म्हणा... विरोधासाठी विरोध

पण काहीही म्हणा...
विरोधासाठी विरोध

कबूल  करतो  झालेले  हल्ले
तर पाकिस्तान नक्की फसतो,
तरी भारतीय सैन्याच्या कृतीवर
विरोधकांचा विश्वास का नसतो?

अविश्वास दाखवून घरचेच लोक
आता हल्ल्याचे पुरावे मागू लागले,
कायम चर्चेत राहण्या साठी का!
विरोधासाठी विरोध करू लागले?

© शिवाजी सांगळे 🎭
http://marathikavita.co.in/marathi-vatratika/t25626/new/#new

पण काहीही म्हणा... दुवा

पण काहीही म्हणा...
दुवा

प्रवासी सवलती जाहिर
करायच्या राज्य सरकारने,
न् आर्थिक घट सोसायची
मात्र एसटी महामंडळाने ?

सामान्यांचा हा लाल डबा
रस्त्यांवर धावायलाच हवा,
गाव शहरे जोडणारा दुवा
कसाही टिकायलाच हवा !

© शिवाजी सांगळे 🎭
http://marathikavita.co.in/marathi-vatratika/t25615/new/#new

पण काहीही म्हणा... उत्तर आणि खेळी

पण काहीही म्हणा...

उत्तर आणि खेळी 

आतंकवादाला तर आता
चोख उत्तर दिलेलेच आहे,
येवढ्यातच हे सारे संपेल?
हा विचार करणे गैर आहे !

शत्रू कोणती खेळी करील?
याचा काहिही भरोसा नाही,
हुरळून जात बेसावध राहणे
आपणासही परवडणारे नाही !

© शिवाजी सांगळे 🎭
http://marathikavita.co.in/marathi-vatratika/t25577/new/#new