मदहोश
गाणे थेंबा थेंबाचे मुक्त गुंजते सभोवताली
पाकळी पाकळी होत जाते फुलांची ओली
होता बेभान स्पंदने त्या विखुरल्या दवांची
फुलांसंगे गंधीत मग हवाही मदहोश झाली
भारावल्या फांद्या नव्या ओलेत्या ओझ्याने
हिंदोळे घेती अलगद वरती आणिक खाली
फडकावित पंख आपुले एक चुकार पक्षी
बोलत राहतो शिळ वाजवीत अगम्य बोली
धावत सुटतो निर्झर झुळझुळ खळखळ
पाहण्या कौतुकाने दरीची अथांग खोली
https://marathikavita.co.in/marathi-kavita-others/t37508/new/#new
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा