मोरया मोरया 🌺
तू सुखकर्ता, बाप्पा तू दु:खहर्ता
सकलांचा तू भाग्यविधाता
गणपती बाप्पा तु विद्यादाता
लंबोदरा रे तू दु:खहर्ता
मोरया मोरया गणपती बाप्पा मोरया
मोरया मोरया मंगल मुर्ती मोरया
गुणी जणांचा तू भवतारक
बुध्दी दाता न् वरदविनायक
तुझ्या कृपेचे आम्ही याचक
दीनदुबळ्यांचा दु:ख निवारक
सावरण्या सर्व कष्ट भोवतीचे
आशीर्वाद तुझा मिळू दे आता
मोरया मोरया गणपती बाप्पा मोरया
मोरया मोरया मंगल मुर्ती मोरया
प्रात:काली घडो तुझेच स्मरण
ध्यानाने तुझीया उजळो हे जीवन
चरणी तुझ्या रे मी नित्य शरण
अवघे सरू दे माझे मी पण
विनंती एक तुला माझी एकदंता
मुखी राहू दे तुझेच नाम आता
मोरया मोरया गणपती बाप्पा मोरया
मोरया मोरया मंगल मुर्ती मोरया
https://marathikavita.co.in/marathi-song-lyrics/t37483/new/#new
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा