.jpg)
ससा आणि पारधी
बुवाबाजी,अनैतिकतेचे नवीन घपले!
सर्कशीतून या काही सुमडीत सटकले!
कुणी बोटं कापून न् तांब्याभर पिवून
देणग्यां सोबत रक्ताने अभिषेक केले!
आता, कुणाचं, काय छाटलं जाईल ?
म्हणून काही अज्ञातात जाऊन लपले!
कधी, मथळ्यात चमकावले ज्यांना
आता, टांगत्या घोटाळ्यात लटकवले!
'या टोपी खाली दडलयं काय' म्हणता
हिरवळीच्या नादी, मृगजळात फसले!
चालायचंच बुवा हे राजकारण आहे
ज्या हाती ससा, तो पारधी हे उमगले।
पुरोगामी होते, महाराष्ट्र राज्य कधी
हल्ली मात्र सर्वांनी अंधश्रद्धेत लोटले!
https://marathikavita.co.in/index.php?topic=77444.new#new
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा