पहाटे पहाटे

पहाटे पहाटे

दरवळ प्राजक्ताचा सुटता पहाटे पहाटे
दंगलो स्वप्नात तुझ्याच मी पहाटे पहाटे

हलकेच चाहुलीने जाग आली मला ती
हरवूनी स्वतःत मीच गेलो पहाटे पहाटे

समजावु काय कसे या बावर्‍या मनाला
सजलेत नेत्री भास पारदर्शि पहाटे पहाटे

वाजतात पैंजन तरंग तरीही भोवताली
वार्‍यावर तुषार नृत्य संतूरी पहाटे पहाटे

© शिवाजी सांगळे 🎭
http://marathikavita.co.in/marathi-prem-kavita/t28349/new/#new

मंडप आठवांचे

मंडप आठवांचे

मंडप आठवांचे निघाले साठवीत नयनी
चालले सोडून बघ सखे घर प्रियजनांचे

=शिव
117/24-04-2017

पण काहीही म्हणा... दिव्याची वृत्ती

पण काहीही म्हणा...
दिव्याची वृत्ती

लाल दिवा आता तर गेला
पण मग्रुरी कधी जाणार?
सत्तर वर्षे मनात रूजलेली
मानसिकता कशी बदलणार?

व्हीआयपी कल्चर तेव्हां तर
ब्रिटीशांनी काटेकोर पाळलं,
त्यांच्या मागे सत्ताधार्‍यांनी
इतका काळ इमाने सांभाळलं!

© शिवाजी सांगळे 🎭
http://marathikavita.co.in/marathi-vatratika/t28296/new/#new

पण काहीही म्हणा... तप्त नागपूर

पण काहीही म्हणा...
तप्त नागपूर

माणसाची माणुसकी हरवली
कि स्वार्थी हवस वाढली आहे?
आधुनिकतेच्या काळात अश्या
अमानुष घटना का घडत आहे?

आमदार निवासात बलात्कार
न् जंगलात वणवा पेटला आहे,
पारदर्शि सरकारच्या काळात
खरचं नागपूरही तापलं आहे !

© शिवाजी सांगळे 🎭
http://marathikavita.co.in/marathi-vatratika/t28291/new/#new

भीती

भीती
मनातुन वाटतं काहिंना
कुणी घ्याव आपल्याला कडेवर,
भीती पण वाटते त्यांना
काय होईल खाली पडल्यावर?
=शिव
21-04-2017

सीख

सीख

इश्क इबादत और
इबादत ही इश्क है,
तु मान, या ना मान
बंदे, यही तो सीख है !

=शिव
17/21-04-2017

प्रवास

प्रवास

मातीतच जन्म आणि अंत
बाकि प्रवास जगण्याचा,
माती पर्यंत जाणारा...
तूमचा आमचा सर्वांचा...

=शिव
380/20-04-2017

चांदोमामा

चांदोमामा

चांदोमामा चांदोमामा थकलास का?
टाॅवरच्या मागे लपलास का?

टाॅवर आता झाला गगनचुंबी
नात्यात पण वाढली बघ लांबी

एकदवेळी अंगणात येउन जा
कधीतरी आमच्याशी खेळून जा
=शिव

मोद

मोद

कुणाला ना खंत  न कुणा खेद झाला
जाण्याने माझ्या  काहींना मोद झाला

थांबले कोण कधी कोणा खेरीज येथे
चाललो एकटा न् काय गहजब झाला

जगतोच मुळी नित्य मनसोक्त मोकळा
तरी ही वागण्याचा का अर्थ गूढ झाला

संघर्ष जगण्यास सारखा तुमचा माझा
जगलो स्वछंदि न कशाचा मोह झाला
   
कशाला ती पर्वा उगा करावी कुणाची?
जगण्या मनसोक्त शिव हा मुक्त झाला

© शिवाजी सांगळे 🎭
http://marathikavita.co.in/marathi-kavita-others/t28186/new/#new

रंग श्रीरंग

रंग श्रीरंग
प्यायला अमृत
तो श्याम निल रंग
पुतनेच्या पाझर स्तनातुन
सुटले होते खोट्या वात्सल्याचे...

वर्णावे कसे
रंग ते श्रीरंगाचे
कालियाच्या फण्यावरचे
वाईटावर प्रकटले चांगल्याचे...

अर्पुनी ज्ञान जगता
केले मनी सज्ज पार्था
उचलण्या शस्त्र सत्या साठी
वदुनी सत्य ते विश्व कल्याणाचे...

© शिवाजी सांगळे 🎭
Bhakti Kavita, April 18, 2017, 11:39:24 PM
http://marathikavita.co.in/marathi-bhakti-kavita/t28245/new/#new