१३ सप्टेंबर २०१८, श्री गणेश चतुर्थी, एव्हाना सगळ्यांचा उत्साह नुसता ओसंडून वहात असेल. घरगुती व सार्वजनिक गणेशोत्सवाचे नियोजन सुरूही झाले असेल, आनंद आहे या साऱ्याचा, मित्रांनो, भक्तांनो एक विनंती आहे, देव सर्वत्र एकच आहे हि संकल्पना रूढ आहे आणि आपण ती मानतो. जर घरी दारी देव एकच आहे तर मग आपण वेगवेगळ्या ठिकाणी त्याचे रूप पाहून आपण त्यांच्यात का स्पर्धा लावतो?
अमका राजा, तमका महाराजा म्हणून त्या त्या ठिकाणचे स्तोम माजवतो व अनेक ठिकाणी बायको मुलांसह मंडपात जावून दर्शनासाठी तासंतास रांगेत उभे राहतो, वेळप्रसंगी धक्काबुक्की सहन करतो, मंडपातील उद्दाम व अरेरावी करणाऱ्या कार्यकर्त्यांचे विनाकारण बोल व तिरस्कारयुक्त वागणे सहन करतो?
विचार करा गणपती घरचा असो वा सार्वजनिक तो एकच आहे, श्रद्धेने दर्शन घ्या, मनात भाव असेल तर तेच समाधान व शांती तशीच मिळेल.
|| गणपती बाप्पा, मोरया ||
फँड लागलं
फँड लागलं लोकांना नवं याड लागलं
घरचा सोडून बाहेरच्याच याड लागलं ||धृ||
तो पण बाप्पा, हा पण बाप्पा
ठेवूनी श्रद्धा पुजा घरच्याला
शांती समाधान देईल तुम्हाला
राजा मानायचं, कुणी डोकं हो लावलं? -२
फँड लागलं लोकांना नवं याड लागलं
घरचा सोडून बाहेरच्याच याड लागलं || १ ||
उगाच नका तुम्ही लागू रांगेला
मना पासून भजा घरच्या देवाला
पावतो का नाही मग बघा तुम्हाला
श्रद्धेनेच तुम्ही बाप्पाला घरी नं आणलं-२
फँड लागलं लोकांना नवं याड लागलं
घरचा सोडून बाहेरच्याच याड लागलं || २ ||
माना देव तुम्ही सगळेच हो एक
परी असू द्या मनी श्रद्धा ती नेक
कशाला बाप्पाची स्पर्धा हकनाक
मी तर आपल्या घरच्यालाच मानलं-२
फँड लागलं लोकांना नवं याड लागलं
घरचा सोडून बाहेरच्याच याड लागलं || ३ ||
© शिवाजी सांगळे 🎭
संपर्क:९५४५९७६५८९
http://marathikavita.co.in/marathi-song-lyrics/t31222/new/#new
