राग

राग

सुखावणारा काळ असतो रागाला
आनंद देणारा ताल असतो रागाला
दिशा देणारा सूर असतो रागाला
मैफली मधे

दु:ख दायक काळ असतो रागाला
क्लेश दायक ताल असतो रागाला
भरकटणारा सूर असतो रागाला
जीवना मधे

एक मैफिल बसते रागाने
एक मैफिल जमते रागाने
एक मैफिल बिघडते रागाने
एक मैफिल उठते रागाने

मैफिलीत आळवावे लागते
जीवनात गोंजारावे लागते
फक्त रागाला..!

©शिवाजी सांगळे🦋
संपर्क:९५४५९७६५८९
http://marathikavita.co.in/marathi-kavita-others/t31965/new/#new