पथदिप
देवोन दाखले, संताचे ते थोर!
वाटतो विचार, ज्ञानी श्रेष्ठ!!१!!
चरितार्था साठी, वाचताती पोथी!
कधी स्वार्था पोटी, भोंदु जनां!!२!!
मोह विसरण्या, स्वतः पुढारावे!
पथदिप व्हावे, बहुजणां!!३!!
कलीयुगी पुरे, नित्य ज्ञान आम्हा!
नामा,तुका,ज्ञाना, स्मरणांती!!४!!
जावोनी पल्याड, संताच्याही थेट!
नव ज्ञानामृत, द्यावे बुवा!!५!!
आधुनिक संता, करीतो विनंती!
साक्षात्कार अंती, लाभो शिवा!!६!!
https://marathikavita.co.in/index.php?topic=22318.msg60495#msg60495
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा