मी बरा एकटा
म्हणावे का आता! फार काही नको?
प्रतिस्पर्धी सोडा, सोबती? तोही नको!
धावण्याच्या स्पर्धेत थांबा नाही कुठे
प्रवास तर सुरु झाला उगा घाई नको!
मी बरा एकटा, होऊदे मला सर्वोच्च
त्यागी भला,भोवती कुणी मोही नको!
प्राप्त व्हावे मला, ते सर्वश्रेष्ठ असावे
खैरात तर नाहीच,न् काहीबाही नको!
होणार नसेल साध्य काही एकट्याने
धडपडण्यात इथे माझ्या, मीही नको!
https://marathikavita.co.in/index.php?topic=69322.new#new
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा