चांदोमामा

चांदोमामा

चांदोमामा चांदोमामा थकलास का?
टाॅवरच्या मागे लपलास का?

टाॅवर आता झाला गगनचुंबी
नात्यात पण वाढली बघ लांबी

एकदवेळी अंगणात येउन जा
कधीतरी आमच्याशी खेळून जा
=शिव

मोद

मोद

कुणाला ना खंत  न कुणा खेद झाला
जाण्याने माझ्या  काहींना मोद झाला

थांबले कोण कधी कोणा खेरीज येथे
चाललो एकटा न् काय गहजब झाला

जगतोच मुळी नित्य मनसोक्त मोकळा
तरी ही वागण्याचा का अर्थ गूढ झाला

संघर्ष जगण्यास सारखा तुमचा माझा
जगलो स्वछंदि न कशाचा मोह झाला
   
कशाला ती पर्वा उगा करावी कुणाची?
जगण्या मनसोक्त शिव हा मुक्त झाला

© शिवाजी सांगळे 🎭
http://marathikavita.co.in/marathi-kavita-others/t28186/new/#new

रंग श्रीरंग

रंग श्रीरंग
प्यायला अमृत
तो श्याम निल रंग
पुतनेच्या पाझर स्तनातुन
सुटले होते खोट्या वात्सल्याचे...

वर्णावे कसे
रंग ते श्रीरंगाचे
कालियाच्या फण्यावरचे
वाईटावर प्रकटले चांगल्याचे...

अर्पुनी ज्ञान जगता
केले मनी सज्ज पार्था
उचलण्या शस्त्र सत्या साठी
वदुनी सत्य ते विश्व कल्याणाचे...

© शिवाजी सांगळे 🎭
Bhakti Kavita, April 18, 2017, 11:39:24 PM
http://marathikavita.co.in/marathi-bhakti-kavita/t28245/new/#new

दश द्वार दिशा

दश द्वार दिशा

दश व्दारांनी वेध घेई
देह हा दश दिशांचा,
व्यतित करूनी आयुष्य
बोध न हो दिशांचा !

प्रथमतः दोन चक्षु ते
द्वीतीय श्रवणेंद्रिये दोन,
तृतिय दोन नासिका
चतुर्थ उरे एकची वदन !

महत्वाची दोन ती द्वारे
पंचम स्थानी मात्र उरती,
शरीरांतर्गत स्वच्छतेची
कामे स्वयें तीच उरकती !

अंतीम उरते दशम द्वार
मानवा ते ना त्वरी उमगते,
शोधता हा जन्म सरतसे
उर्ध्वदिशेस का न पाहवते?

© शिवाजी सांगळे 🎭
http://marathikavita.co.in/marathi-bhakti-kavita/t28222/new/#new

जगायचे ना?

जगायचे ना?
सभोवताली येतात ऐकू
चिमण्यांची अजून गाणी,
संवर्धना साठी तयांच्या
ठेवा घास दाणे न् पाणी !

हेच देणे दैवाचे लाभले
मोफत तूम्हा आम्हाला,
टिकवा निसर्ग तेव्हांच
जगता येईल आपल्याला !

कत्तली करून झाडांच्या
का पाऊस पडणार येथे?
थांबवा, आहे वेळ अजून
जगायचे ना आपणासं येथे?

© शिवाजी सांगळे 🎭
http://marathikavita.co.in/preranadai-kavita/t28221/new/#new

खोज...

खोज...

आज के दौर मे
हर व्यक्ती
अपने हि बनाये
चक्रव्युह से
मुक्ति चाहता है।
घुम रहा है...
मुक्ति और शांती,
कि खोज में,
एक घाव लिए
अश्वथ्थामा जैसा!
© शिव 🎭
17042017

प्रवास

प्रवास

प्रवास अनंताचा चिरंतन
अव्याहत चालणारा,
माझ्यातल्या मी पर्यंतचा
गूढ मनाला शोधणारा !

पण काहीही म्हणा... जाहिरात

पण काहीही म्हणा...
जाहिरात

जाहिरातीचा भ्रामक भोपळा
पहा आता फुटू लागला,
सेलिब्रिटी सुध्दा आजकाल
त्या विरूध्द बोलू लागला !

पैसा मिळतो म्हणुन सारेच
कसलीही अँड करतात,
करून सवरून पुन्हा ते
बोंबा बोंब करू लागतात !

© शिवाजी सांगळे 🎭
http://marathikavita.co.in/marathi-vatratika/t28187/new/#new

शेवटास

शेवटास

पालखीस नसता कोणी भोई येथे
उतारला होता कोणी मेणा येथे

थवा काजव्यांचा जमवुन ती गर्दि
सुर्यास्ता नंतर पहा चमकला येथे

बाळगा सोबती तुम्ही कितीही चेले
शेवटास कामी येतो आपलाच येथे

© शिवाजी सांगळे 🎭
http://marathikavita.co.in/marathi-kavita-others/t28185/new/#new

नाद

नाद

हृदयस्थ नाद तो
अव्याहत नाद आहे,
आदि अंता स्तोवर
श्वासांची साद आहे !

=शिव
374/11-04-2017