सांधणे
भिंतीच्या भेगा बुजवता येतील
मनावरच्या ओरखड्यांच काय?
वर वर मलमपट्टी होऊन जाईल
आतला घाव मिटून जातो काय?
ठरवून नाही होत, काही चुका,
चुकूनच दु:खाला कारण होतात
विसरून जावू म्हणता म्हणता
तेवढ्या खोलवर रुतून बसतात!
चालायचंच, म्हणून सोडून देता
फिरून नव्याने गाठी बांधायच्या
पडक्या घरात राहतं का कोणी?
पडलेल्या भेगा हळू सांधायच्या!
©शिवाजी सांगळे 🦋 papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा