काहूर गाणी
ओलेत्या पायवाटेवरती
ओल्या साऱ्या आठवणी
क्षण सर्व निसटूनी गेले
वळणावर धूसर कहाणी
हळूवार नात्यांची असते
अलवार रेशीम कहाणी
सैलावता तो तलम बंध
तेव्हा दाटते काहूर मनी
ह्रदयी दाटता गत स्मृती
स्वप्नेही गातात प्रेम गाणी
बंधनात पुन्हा नात्यांच्या
फुलू पाहते नवी कहाणी
https://marathikavita.co.in/marathi-virah-kavita/t33463/new/#new
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा