झांकी

हायकू

६
नभ सावळा
धरेस उत्सुकता
ॠतु ओलेता
५
मेघ गर्जना
सौदामिनीचा साज
चमके आज
४
ऊन सावली
खेळ रंगे आभाळी
या पावसाळी

हायकू

३
छोटं पाखरू
चिवचीव ते गाणे
टिपते दाणे
२
नभ दाटले
या पावसाच्या धारा
चिंब पसारा
१
निळे आभाळ
भिरभीरे पाखरू
मना सावरू

कोरा कॅनवास

शहाणे व्हा-सजग व्हा

शहाणे व्हा-सजग व्हा

वृक्षसंवर्धन आम्हा जमेंना
नुसत्या आम्ही गप्पा करतो,
रस्ते न् बिल्डींग साठी
पाहिजे तशी झाडे तोडतो !

ढगांना सुद्धा हवी आहे
पृथ्वी छान चांगली हिरवीगार,
पाहून तीचे रूप गोजीरे
बरसतात मनसोक्त धुंवाधार !

तोच जर गेला संपावर
आम्ही रागवायचे कोणावर,
पैसा सुध्दा होतो खोटा
कसं यायचं त्यानं धरणीवर !

शहाणे व्हा, सजग व्हा
पर्यावरणाची सारे धरा कास,
सोडा गप्पा अन् आळस
मिळेल सर्वांना जीवन खास !

© शिवाजी सांगळे 🎭
http://marathikavita.co.in/preranadai-kavita/t28740/new/#new

पण काहीही म्हणा... मतभेद

पण काहीही म्हणा... मतभेद

आमच्या आमच्यात
होत नाही एकी,
नेते मात्र करतात
सारे फेका फेकी !

एक म्हणतोय
घेतला संप मागे,
दुसरा म्हणतो
आम्हा कोण सांगे?

आपल्याच पायात
आपला पाय हवा,
नेतृत्व करायला
एकच मान्यवर हवा !

© शिवाजी सांगळे 🎭
http://marathikavita.co.in/marathi-vatratika/t28736/new/#new

ताटे

ताटे

कोणास लाभ आहे सांडून दूध वाटे
कोणा उपास राहे फेकून शाक वाटे
----------
नाही मिळे अनाथा खाण्यास एक वेळी
सांगाव यांस कोणी वाढून द्या कि ताटे
----------
=शिव 01062017

मला वाटते... मुलगी एक दुवा

मला वाटते... झाड व सोबती

मला वाटते... मोठे पण