शिवाजी म्हणतो

मंगळवार, २६ मार्च, २०१९

उतरा खरे

पार झाली सत्तरी, स्वतःच्याच घोळक्यात
का चघळता जवानी, तुम्ही रे बोळक्यात

छाटली जरी झाडे, जुन्या नव्या जातींची
एक जात हो त्यांची, बांधताच ओंडक्यात

कोणत्या दिशेने मग, फिरतील इथे वारे
जाणून कौल घ्या रे, जनातला थोडक्यात

उतरा खरे लोकांस, दिल्या आश्वासनांवर
घाव काठीचा उगा, हाणतील टाळक्यात

वाह वाह हो त्यांची, मी जरा काय केली
धरले जमेस त्यांनी, आपल्याच टोळक्यात

© शिवाजी सांगळे 🎭
मो. ९५४५९७६५८९
http://marathikavita.co.in/marathi-song-lyrics/t31602/new/#new

शनिवार, २३ मार्च, २०१९

कविता म्हणजे

२७५/२२०३२०१९

शुक्रवार, २२ मार्च, २०१९

हरवलेली माणसे

२२०३२०१९YQ

गुरुवार, २१ मार्च, २०१९

कोई नहीं आता

बुधवार, २० मार्च, २०१९

दे रे थोड तरी पाणी (गवळण)

हल्ली सर्वत्र झपाट्याने शहरीकरण होत आहे, बऱ्याच ठिकाणी नियोजन करून सुद्धा पाणी पुरवठ्याची समस्या दूर करणे तसे सर्वच यंत्रणाना कठीण दिसते, तशात आता उन्हाळा सुरू झालाय, आणि दिवसेंदिवस हि समस्या वाढतच जाणार. "या अडचणी बद्दल काही तरी विडंबनात्मक लिहा" मित्राच्या या विनंती वरून दिवंगत जेष्ठ कवी व गीतकार जगदीश खेबुडकर यांच्या "दे रे कान्हा" या गवळणीचे पुढील प्रातिनिधिक विडंबन सुचले.
(जगदीश खेबुडकरांची सविनय क्षमा मागून)

दे रे थोड तरी पाणी (गवळण)

अहो ऐका जनहो तहाणल्यांची कहाणी
भुलवली जनता नुसत्याच आश्वासनांनी

स्वस्त मिळती घरे म्हणूनी लोक येथे आले
काढून कर्ज स्वतंत्र राहण्या बघा लोक आले
धक्काबुक्की प्रवास वाढला हाल खूप झाले
वेळ अपुरा न् खर्च वाढला ताण सोसते झाले

नसता पाणी अपेक्षा भंग
नवीन फ्लॅटमधे होता दंग
चर्चेत केवळ सगळेच दंग
दिसू लागले प्रभागीय रंग

येतो थकूनी लोकल मधूनी रोज चाकरमानी
दे रे नेत्या, दे रे थोड तरी पाणी

धुणीभांडी कपड्यां साठी
लावावी लागे नळासी तोटी
दिवसा रात्री उशिरापर्यंत प्रत्येका गरज पाणी

ऐन उन्हाळी तक्रार न्यारी
हर एक आणतो तुम्हा दारी
काकुळतीने पुन्हा करीतो आर्जवे विनवणी

वाढविल्या येथे तुम्ही इमारती
भरमसाठ ती झाली हो वस्ती
अपुऱ्या साठ्या मधूनी सर्वां कसे पुरावे पाणी

हात जोडोनि हीच विनवणी
टँकर भरुनी वाटावे त्वा पाणी
मतांसाठी तेव्हाच यावे नंतर नव्या इलेक्शनी

© शिवाजी सांगळे 🎭
मो. ९५४५९७६५८९
http://marathikavita.co.in/vidamban-kavita/()-31590/new/#new