आपलेच होते

आपलेच होते

सोबतीला सुखात लोक आपलेच होते
उचलण्यास लाभ लोक आपलेच होते

जावे कोणत्या दिशेला कळेना मनाला
लावण्यास वाटेस लोक आपलेच होते

घेण्या जावे कधी खुशाली स्वकीयांची
टाळण्यास तत्पर लोक आपलेच होते

हातून काही एक जराशीच चूक झाली  
दाखवण्यास बोट लोक आपलेच होते

अपघात झाला साधा अजाणता काही
ओढण्यास कोरडे लोक आपलेच होते

बहरताना यौवन हलकेच नजाकतीने
लुटण्यास आबरू लोक आपलेच होते

https://marathikavita.co.in/marathi-kavita-others/t32105/new/#new

© शिवाजी सांगळे 🦋
 संपर्क: +९१ ९५४५९७६५८९