हसायला येतं
कसं काय विसरायला होतं हल्ली फार
बातमी अर्धी कुणी का देतं हल्ली फार
काय बरं होतं लिहायचं?आठवत नाय
असं विचित्र काहीतरी होतं हल्ली फार
लक्षात ठेवतो नक्की सांगा आता जरा
अचानक असं का बिघडतं हल्ली फार
लक्षात ठेवायचं म्हणून विसरतो सगळं
गम्मत वाटता हसायला येतं हल्ली फार
छे, भलतंसलतं तसं तर काहीच नसावं
वाढाया लागल वय! वाटतं हल्ली फार
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा