निखारा

निखारा

सोसलेला क्षण सहवासाचा
असेल मनात कोंडलेला !

आळवु नकोस तीच रागदारी
छेडून त्याच त्या सुराला !

ऐकू नको का ह्रदयाचं काही?
घाव अजून ताजा कोरलेला !

फुंकर मारलीच तर, पेटेल
निखारा राखेत निजलेला !

© शिवाजी सांगळे 🎭
http://marathikavita.co.in/marathi-prem-kavita/t26117/new/#new

वाट पलीकडची

वाट पलीकडची

क्षण क्षण स्मृतींचे थबकले
तूझ्या भेटी वाचून

जागी गोठले दव डोळ्यातले
ओघळण्या वाचून

कोरेच राहीले कागद ते सारे
तूझ्या शब्दां वाचून

ओसाड वाट नदि पलीकडची
एकटी चाहूली वाचून

© शिवाजी सांगळे 🎭
http://marathikavita.co.in/marathi-virah-kavita/t26104/new/#new

ढुंढती रही आँखे

मुक्त

मुक्त

गंधास काय ठावे
त्यास जायचे कोठवर आहे,
नेईल वारा वाहत
तेथवर मुक्त दरवळायचे आहे !

© शिवाजी सांगळे 🎭 12-11-2016

माझी कविता

माझी कविता

कधी शेतात राबते
कधी आकाशी विहरते
कधी एकांतात बोलते
कधी स्वप्नवत जगते
कधी वास्तव सांगते
कधी तलवार तळपते
कधी हळूवार होते
कधी भक्तीत नाहते
कधी मायेत रमते
कधी बलिश होते
कधी विडंबण करते
खुपदा प्रेमात असते
फक्त ती माझी कविता

© शिवाजी सांगळे 🎭

म्हणुन गेला कवी...

म्हणुन गेला कवी...

चर्चा  होती लोकांत
होवो नये माझा कवी,
प्रेमात तुझ्या सखे गं
म्हणुन गेला एक कवी!

कविते साठी म्हटलं
लिहावी एकदं कविता,
पण काय करावं मी?
रूसली होती कविता!

समजावलं, मनवलं
तरी ऐके ना कविता,
सांगा तूम्हीच आता
पटली का कविता?

© शिवाजी सांगळे 🎭

पण काहीही म्हणा... काळ्याचं पांढरं?

पण काहीही म्हणा...
काळ्याचं पांढरं?

नोटांच्या निर्णयावर आता
राज कारण तापु लागेल,
काळ्याचे पांढरे करतांना
काहींना घाम फुटु लागेल !

देशाचं भलं करायच तर
नवं नवं स्विकारावं लागेल,
घेतल्या निर्णयावर जनतेला
धीराने तोंड द्यावं लागेल !

© शिवाजी सांगळे 🎭
http://marathikavita.co.in/marathi-vatratika/t26071/new/#new

मरणाष्टक

भेट

सावल्या