रंग श्रीरंग

रंग श्रीरंग
प्यायला अमृत
तो श्याम निल रंग
पुतनेच्या पाझर स्तनातुन
सुटले होते खोट्या वात्सल्याचे...

वर्णावे कसे
रंग ते श्रीरंगाचे
कालियाच्या फण्यावरचे
वाईटावर प्रकटले चांगल्याचे...

अर्पुनी ज्ञान जगता
केले मनी सज्ज पार्था
उचलण्या शस्त्र सत्या साठी
वदुनी सत्य ते विश्व कल्याणाचे...

© शिवाजी सांगळे 🎭
Bhakti Kavita, April 18, 2017, 11:39:24 PM
http://marathikavita.co.in/marathi-bhakti-kavita/t28245/new/#new

दश द्वार दिशा

दश द्वार दिशा

दश व्दारांनी वेध घेई
देह हा दश दिशांचा,
व्यतित करूनी आयुष्य
बोध न हो दिशांचा !

प्रथमतः दोन चक्षु ते
द्वीतीय श्रवणेंद्रिये दोन,
तृतिय दोन नासिका
चतुर्थ उरे एकची वदन !

महत्वाची दोन ती द्वारे
पंचम स्थानी मात्र उरती,
शरीरांतर्गत स्वच्छतेची
कामे स्वयें तीच उरकती !

अंतीम उरते दशम द्वार
मानवा ते ना त्वरी उमगते,
शोधता हा जन्म सरतसे
उर्ध्वदिशेस का न पाहवते?

© शिवाजी सांगळे 🎭
http://marathikavita.co.in/marathi-bhakti-kavita/t28222/new/#new

जगायचे ना?

जगायचे ना?
सभोवताली येतात ऐकू
चिमण्यांची अजून गाणी,
संवर्धना साठी तयांच्या
ठेवा घास दाणे न् पाणी !

हेच देणे दैवाचे लाभले
मोफत तूम्हा आम्हाला,
टिकवा निसर्ग तेव्हांच
जगता येईल आपल्याला !

कत्तली करून झाडांच्या
का पाऊस पडणार येथे?
थांबवा, आहे वेळ अजून
जगायचे ना आपणासं येथे?

© शिवाजी सांगळे 🎭
http://marathikavita.co.in/preranadai-kavita/t28221/new/#new

खोज...

खोज...

आज के दौर मे
हर व्यक्ती
अपने हि बनाये
चक्रव्युह से
मुक्ति चाहता है।
घुम रहा है...
मुक्ति और शांती,
कि खोज में,
एक घाव लिए
अश्वथ्थामा जैसा!
© शिव 🎭
17042017

प्रवास

प्रवास

प्रवास अनंताचा चिरंतन
अव्याहत चालणारा,
माझ्यातल्या मी पर्यंतचा
गूढ मनाला शोधणारा !

पण काहीही म्हणा... जाहिरात

पण काहीही म्हणा...
जाहिरात

जाहिरातीचा भ्रामक भोपळा
पहा आता फुटू लागला,
सेलिब्रिटी सुध्दा आजकाल
त्या विरूध्द बोलू लागला !

पैसा मिळतो म्हणुन सारेच
कसलीही अँड करतात,
करून सवरून पुन्हा ते
बोंबा बोंब करू लागतात !

© शिवाजी सांगळे 🎭
http://marathikavita.co.in/marathi-vatratika/t28187/new/#new

शेवटास

शेवटास

पालखीस नसता कोणी भोई येथे
उतारला होता कोणी मेणा येथे

थवा काजव्यांचा जमवुन ती गर्दि
सुर्यास्ता नंतर पहा चमकला येथे

बाळगा सोबती तुम्ही कितीही चेले
शेवटास कामी येतो आपलाच येथे

© शिवाजी सांगळे 🎭
http://marathikavita.co.in/marathi-kavita-others/t28185/new/#new

नाद

नाद

हृदयस्थ नाद तो
अव्याहत नाद आहे,
आदि अंता स्तोवर
श्वासांची साद आहे !

=शिव
374/11-04-2017

कधी मी

कधी मी

शब्दांशी भांडतो कधी मी
शब्दांशी खेळतो कधी मी

व्यक्त करण्या विचारांना
अक्षरांस बांधतो कधी मी

कळावे कसे त्या मुक्यांना
असा का वागतो कधी मी

प्रयास करता हा शिकताना
काहीतरी लिहीतो कधी मी

© शिवाजी सांगळे 🎭
http://marathikavita.co.in/marathi-kavita-others/t28137/new/#new

बार

बार

कोल्ड ड्रिंक, चणा ड्राय
वा दुसरं काही मागवुन
नेहमी प्रमाणे
बसायला हवं,
केव्हां तरी असच
बार मधे जायला हवं !

कान, डोळे उघडे ठेवुन
मदं अंधार्‍या कोलाहलात
स्वतःच्या आवाजाला
ऐकता यायला हवं,
कधी तरी त्रयस्थ होऊन
बार मधे जायला हवं !

मिळवतात, काय हरवतात?
विखुरलेल्या दुःखांना,
कित्तेकांच्या
चेहर्‍यावरील आनंदाला
स्वतःचा समजून
विचारात घ्यायला हवं
न पिता.... कधी
बार मधे जायला हवं !

ज्ञान, सौद्यांचा हा बाजार,
कधी एैय्याशीचाच
मुक्काम असतो येथे,
उँच्चभ्रूंच्या हलक्या न्
सामान्यांच्या मोठ्या
बातांना ऐकायला हवं
उतरून वेष अापला
बार मधे जायला हवं !

दुध नाही मिळत
ना दुधा चा धुतलेला,
सापडतो येथे...
केवळ प्यायलेला,
तरीही नशा दोघांना
पिवुन एकाला, न्
एेकून एकाला
नशेत या झिंगता यायला हवं,
डोकवायला स्वःता मधे
बार मधे जायला हवं !

© शिवाजी सांगळे 🎭
http://marathikavita.co.in/marathi-kavita-others/t28055/new/#new