शिवाजी म्हणतो

शुक्रवार, २६ जानेवारी, २०१८

हायकू २५८-२६०

#हायकू २६०
एक दिवस
नकोच देशभक्ती
खोटी आसक्ती २६-०१-२०१८

#हायकू २५९
पाऊस थेंब
पागोळीत थांबले
लोलक झाले २५-०१-२०१८

#हायकू २५८
पाझरे उन
ते गवाक्षा मधूनी
धुंद कवडसे २२-०१-२०१८

#शिव ©

गुरुवार, १८ जानेवारी, २०१८

सपान

दाटलं रं काळोख, शहारेल भुई
उजेडा संगतीनं, कडाडेल ईज,
गार वाऱ्या तवा, वाटल आपरुप
फुटताच भूईपोटी, कवळं बीज !

होतील गोळा, तवा रंगीत पाखरं
राना रानात मग, उधळतील दाणं,
भरल्या पोटानी, ते फिरता वावर
गातील गळाभर, कौतुकाचं गाणं !

रंगवाया सपान, तुज येणं जरुरी
होऊदे पावसा, बा तुझे उपकार
मिटव तहान कोरड्या धरणीची
नदी नाल्यां पाणी, मिळो भरपूर !

© शिवाजी सांगळे 🎭
http://marathikavita.co.in/marathi-kavita-others/t30241/new/#new