हायकू २८५-२८७

#हायकू २८७
कोवळे पान
तांबूस मखमली
बाळसेदार २०-०३-२०१८

#हायकू २८६
ऋतू वसंत
प्रसवली पालवी
हिरवीगार १९-०३-२०१८

#हायकू २८५
पाण्यास स्पर्श
गोऱ्यापान पायाचा 
कंप पाण्याचा १७-०३-२०१८
©शिव

साथ

मला वाटते - कविता

नकोसे

http://marathikavita.co.in/gambhir-kavita/t30489/new/#new

पायरी

http://marathikavita.co.in/marathi-kavita-others/t30480/new/#new

मनं

मन

धून मुरलीची

धून मुरलीची

धून कानी येता मुरलीची
गाई वासरे हंबरून येती

रेषेवरती त्या दूर क्षितिजी
सुवर्ण शलाका धूसर होती

घन शामल या अंबरातळी
वृक्ष पाखरे माघारी फिरती

निळ्या सावळ्या सांजवेळी
शित चंद्रमा हळूच प्रकटती

© शिवाजी सांगळे 🎭
संपर्क:९५४५९७६५८९
http://marathikavita.co.in/marathi-bhakti-kavita
/t30475/new/#new

फसवू नका मित्रांना

फसवू नका मित्रांना

डकवून ते खोटे डी पी 
फसवू नका हो मित्रांना,
साहित्य असेल ढापलेले
दाखवू नकाच मित्रांना !

काव्य, लेख बरेच काही
दाखवा तो वारसा मित्रांना,
स्वलेखन सुद्धा असो कसे
कळूदेत तेही सर्व मित्रांना !

चोरी तर चोरीच असते
कळते कधी तरी मित्रांना,
आवडले न् पोस्ट केले
उल्लेखून सांगा मित्रांना !

© शिवाजी सांगळे 🎭 
संपर्क:९५४५९७६५८९
http://marathikavita.co.in/
preranadai-kavita/t30459/new/#new

नंतर नंतर

नंतर नंतर

सोसला भार झाडाने फळांचा पिकल्या नंतर
सोडला निश्वास फांदीने फळे खुडल्या नंतर

बहाणे, हट्टाने उधळणे कधी मुक्त स्वतःला 
सारे कळले सखे तुझ्या प्रेमात पडल्या नंतर

होतोय कमी दुरावा श्वासांच्या अंतरातला
होताच भेट तुझीमाझी मिठीत शिरल्या नंतर 

पानगळ शहरात इथे होते रानात तिथे ही
हळूवार ऋतूने आपली कुस बदलल्या नंतर

मोठेपण गारव्याचे उमगते साऱ्यास हल्ली
एकाएकी उन्हाच्या या झळा वाढल्या नंतर

कोसळतात परतूनी सरी पावसाच्या येथे
देणे भरल्या मेघांचे शिल्लक फेडल्या नंतर

© शिवाजी सांगळे 🎭 
संपर्क:९५४५९७६५८९
http://marathikavita.co.in/marathi-kavita-others/t30449/new/#new

लळा शब्दांचा

लळा शब्दांचा

जिथे आसवांना येतो उमाळा
तिथे आठवांचा भरतो सोहळा

असता काळजी उरी जागताना
लवंडताच कसा लागतो डोळा

पोहचण्या आधी वैकुंठ नगरी
चालता वारीत दिसतो सावळा

उठाठेव कशा करू घोषणांची
दाऊन काम लोक करतो गोळा

ओळीं सोबत छापता गोड छबी
चाहत्यांचा फुकट्या भरतो मेळा

भले अशुद्ध अन् माना नियमबाह्य
लिहिताच शब्दांचा लागतो लळा

© शिवाजी सांगळे 🎭
संपर्क:९५४५९७६५८९
http://marathikavita.co.in/marathi-kavita-others/t30443/new/#new