ढग आले दुरुनी

ढग आले दुरुनी

ढग आले दुरुनी, ढग आले दुरुनी
स्मरल्या का सगळ्या आठवणी?

भरधाव घोंघावणे वार्‍यांचे, आकाश सावळ्या रंगाचे
धावपळ वाढली लोकांची, नियोजनही नव्हते कोणाचे
ओढवली अशी आणीबाणी ...

नकोच आता ती अवकाळी, फक्त भरो शेतं तळी
नवजीवन मिळो धरेला, बळी घरी होवो दिवाळी
चमत्कार करावा देवा तुम्ही ...

शेतकऱ्यांचे कष्ट सरावे, शेतामधूनी पिक बहरावे
धनधान्य गृही वाढावे, गाली त्यांच्या स्मित फुलावे
देईल दान तो चक्रपाणी ...

https://marathikavita.co.in/index.php?topic=56572.new#new

©शिवाजी सांगळे 🦋papillon

संपर्क: +९१ ९५४५९७६५८९

रे मानवा १८०५२०२५ yq २०:४८:०७

रे मानवा 

प्रवास हा नजर रोखून वाटेवरचा 
अहमहमिकेत येथील जगण्याचा 

फसतो दुबळा न् कधी भक्ष्य होतो
अलिखित कठोर नियम निसर्गाचा 

शिस्तबद्ध सारीच यातायात मोठी 
तरीही जो तो अतुट भाग सृष्टीचा 

सारेच शांत आलबेल भूक नसता 
हस्तक्षेप नसतो कुणाला कुणाचा 

तरीही एक विनंती, तुला रे मानवा
सोड उद्योग अतिक्रमण करण्याचा 

©शिवाजी सांगळे 🦋papillon
संपर्क: +९१ ९५४५९७६५८९

काही बाही उगा बरळती ०९०५२०२५ yq १५:१४:०७

काही बाही उगा बरळती

काही बाही उगा बरळती, नको नकोसे चाळे करती,
देशोदेशी भिका मागती, माथ्यावरती ड्रोन ते पडती,
खरोखर झाली त्राही, तो पाकिस्तान पाहिला बाई !

त्या देशाची बातच न्यारी, मनात साऱ्यांच्या द्वेष भारी,
काही अनपढ, खुप अडाणी, मर्दुमकीच्या बाता हाणी,
सारे नुसती तुलना करती, कुणी काही शिकत नाही !

नको पुस्तके नको शाळा, खाऊन पिऊन फक्त लोळा,
जगात साऱ्या गोंधळ घालू, आतंकवादी गोष्टी बोलू,
घेऊन शिक्षण ज्ञानी व्हावे, गरज त्यांसी वाटत नाही !

तिथे मुली ज्या जन्म घेती, परंपरेत अडकून जाती,
घराघरांत बॉम्ब बनती, मदरशा मधूनी ते जिहादी,
वाईट ते ते, सारे घडते, कमतरता कसलीच नाही !

©शिवाजी सांगळे 🦋papillon
संपर्क: +९१ ९५४५९७६५८९

आम्ही मोबाईलच्या

आम्ही मोबाईलच्या

एका गँजेट संगे एकरूप झालो,

आम्ही मोबाईलच्या नादी लागलो ॥धृ॥

फेसबुक इंन्स्टा एकीकडे सुरु,

ट्विटरवर देखील ध्यान ते धरु

वॉट्सअँप तर आम्ही कोळूनी प्यालो..१ 

आम्ही मोबाईलच्या....

भुक हो मोठी लाईक कमेंट्सची,

त्याच्या पुढे कसली चव जेवणाची

कामधंदे पण सारे टाळू की लागलो..२

आम्ही मोबाईलच्या....

आयफोन ज्या कडे श्रेष्ठ तो झाला,

मागास म्हणती तो की पँड वाला

उगा एकमेकां आम्ही तोलू लागलो..३ 

आम्ही मोबाईलच्या....

https://marathikavita.co.in/index.php?topic=55888.new#new

©शिवाजी सांगळे 🦋papillon

संपर्क: +९१ ९५४५९७६५८९

डरा सा दिल ०५०५२०२५ yq १५:२४:०५

डरा सा दिल 

आजकल डरा डरा सा दिल रहता है
किसीसे बहुत कुछ कहना चाहता है

किस कारण सुननेवाला अभी अभी
पता नहीं कैसी नाराजगी दिखाता है

एकही धागे के बंधन में हम रहते हुए
रूखा रूखासा वह बरताव करता है

सोचो,कभी उतरें हम जीद पर अपनी
ना कहना फिर, हमें भी बुरा लगता है

©शिवाजी सांगळे 🦋papillon
संपर्क: +९१ ९५४५९७६५८९

साखर झोप

साखर झोप

नाते शब्दांचे जसे सुरांंशी तसे काहीसे माझे तुझ्याशी

होतात खरी, पहाट स्वप्ने, साखर झोप ती हवीहवीशी

वाहता मोगरगंध, मंद त्या कुंतलांचा

भास होता जरासा नाजूक पैंजणांचा

वेडावून देते हालचाल तुझी ती जराशी

मीही शोधतो किणकिण हात उशाशी...१

नाते शब्दांचे जसे सुरांंशी तसे काहीसे माझे तुझ्याशी

चाळवते झोप न् अंगभर उठतो शहारा 

मिठीत बद्ध होण्या तनू दे तनूस दुजोरा

बहरून गारव्यात अन् बिलगता उराशी

चालतो संवाद फक्त स्पर्शाचा स्पर्शाशी...२

नाते शब्दांचे जसे सुरांंशी तसे काहीसे माझे तुझ्याशी

हव्याहव्याशा तृप्तीने होता गात्रे सुस्त

अस्तव्यस्त तरी ही यौवन सुडौल पुष्ट 

वाटता, बोलावे पुन्हा मौनाने मौनाशी

लटका नकार न् डोळ्यात दिसते खुशी...३

नाते शब्दांचे जसे सुरांंशी तसे काहीसे माझे तुझ्याशी

होतात खरी, पहाट स्वप्ने, साखर झोप ती हवीहवीशी

https://marathikavita.co.in/index.php?topic=55761.new#new

©शिवाजी सांगळे 🦋papillon

संपर्क: +९१ ९५४५९७६५८९

भाबडेपणा ०१०५२०२५ yq १६:२५:१०

भाबडेपणा

नाही ठाऊक फुलपाखराला

डायरीमधील फुल सुकले आहे!

कोरडलेल्या पाकळ्यांना पण

भावशून्य शब्दांची साथ आहे!

तरीही भाबडेपणा वेडा इतका

फुलपाखरू घिरट्या घेत आहे!

कुठवर जगावे आशेवर इतके

रंगीत गोजिरा छळभास आहे!

यावी ना,कल्पना या जीवाला

मोहात फसणे असे व्यर्थ आहे!

©शिवाजी सांगळे 🦋papillon

संपर्क: +९१ ९५४५९७६५८९

अदृश्य प्रश्न

अदृश्य प्रश्न

अदृश्य ती गोष्ट मौनातून बोलते 
अतिरेकातून अत्याचार घडविते,
द्वेष अन् चिथावणीवरुन उगाच 
सर्वसामान्य जनतेचा बळी घेते!

सर्वच गोष्टीचे राजकारण येथे
प्रत्येकजण शंकास्पद वागतो,
आज देशाच्या सद्य स्थितीचा
कोण प्रामाणिक विचार करतो?

अन्याय, अत्याचार हा असला 
अजून कुठवर सहन करणार? 
सुधाणाऱ्या देशगाड्यास इथले 
देशद्रोही कितपत साथ देणार?

https://marathikavita.co.in/index.php?topic=55038.0

©शिवाजी सांगळे 🦋papillon
संपर्क: +९१ ९५४५९७६५८९

अवेळ

अवेळ

ही रात्र बोचते मला जीवघेणा खेळ आहे 

चंद्रमा न् मीही एकटा नक्की कुवेळ आहे 

तारका नाहीत नभी, ती पण दिसत नाही 

ठरवून असावी चुकवली त्यांनी वेळ आहे 

अपेक्षित भेटीस इथे प्रतिक्षेत दोघे आम्ही 

कुठे ठावूक नाही तुम्ही कसला मेळ आहे 

का? हा असा विरह, तुम्हा आम्हा दोघांना 

काय असली ही?आपल्यावर अवेळ आहे 

काय चाललंय? काहीच कळेना मला तरी 

प्रक्तनाने मांडला, कसा विचित्र खेळ आहे 

https://marathikavita.co.in/index.php?topic=54885.new#new

©शिवाजी सांगळे 🦋papillon

संपर्क: +९१ ९५४५९७६५८९

'मराठी' खरी गरज

'मराठी' खरी गरज

मराठी मुंबई अगोदर खाली झाली
होऊन फितूर, कैवारी शांत बसले,
आता तर मागोमाग भाषा निघाली
कैवाऱ्यांना ना सोयरसुतक कसले!

येऊ देत हिंदी, येऊ देत गुजराती
इंग्रजी बोडक्यावर बसलीच आहे,
आम्ही सर्वकाही, मुकाट भोगतो
सहन करणे आमच्या रक्तात आहे!

कुणीही येवो, इकडे कुणीही राहो
आम्ही पोळी शेकून घेतली आहे,
परक्यांनाच मराठी सक्तीची करा
त्यांनाच, महाराष्ट्राची गरज आहे!

https://marathikavita.co.in/index.php?topic=54782.new#new

©शिवाजी सांगळे 🦋papillon
संपर्क: +९१ ९५४५९७६५८९