काही बाही उगा बरळती
काही बाही उगा बरळती, नको नकोसे चाळे करती,
देशोदेशी भिका मागती, माथ्यावरती ड्रोन ते पडती,
खरोखर झाली त्राही, तो पाकिस्तान पाहिला बाई !
त्या देशाची बातच न्यारी, मनात साऱ्यांच्या द्वेष भारी,
काही अनपढ, खुप अडाणी, मर्दुमकीच्या बाता हाणी,
सारे नुसती तुलना करती, कुणी काही शिकत नाही !
नको पुस्तके नको शाळा, खाऊन पिऊन फक्त लोळा,
जगात साऱ्या गोंधळ घालू, आतंकवादी गोष्टी बोलू,
घेऊन शिक्षण ज्ञानी व्हावे, गरज त्यांसी वाटत नाही !
तिथे मुली ज्या जन्म घेती, परंपरेत अडकून जाती,
घराघरांत बॉम्ब बनती, मदरशा मधूनी ते जिहादी,
वाईट ते ते, सारे घडते, कमतरता कसलीच नाही !
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्‍या नाहीत:
टिप्पणी पोस्ट करा