एकदा तिची नि माझी ठरवून भेट झाली
झाली उगा चर्चा,अन् गावात बोंब झाली || ध्रु ||
हाटेलाच्या भजींचा वाऱ्यावर गंध सुटला
पोटात भूकेचा, तेव्हा आगडोंब उठलेला
आमंत्रण देण्याची, संधी मला मिळाली || १ ||
बोलणे फार नाही इशाऱ्यात सर्व झाले
नास्ता करून पुरता बिलही देवून झाले
नको कुणी ओळखीचे पाहिले भोवताली || २ ||
सायकलवर चुकून तीचे दप्तर ठेवलेले
शेजारच्या कुणीतरी आम्हाला पाहिलेले
गावगप्पा करायची संधी त्याने न सोडली || ३ ||
https://marathikavita.co.in/index.php?topic=57008.new#new
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा