जगण्याचा फंडा

जगण्याचा फंडा

काही हसून बोलायचं
काही बोलून हसायचं
जीवन असचं आहे
हसता हसता रडायचं
न् रडतांना हसायचं...!

जगण्याचे कष्ट तर
सगळ्यांनाच आहेत,
मित्रा, कष्टाला डिवचुन
मजेत हसत खेळायचं...!

जोकरला विचारून बघ
असं कस जमवायचं?
दुःखात सुध्दा हसायचं
हसता हसता रडायचं...!

हसुन नाही जमल
तर रूसुन बोलायचं
आपल्या लोकांचे
अश्रु पुसत बोलायचं...!

जगण्याचा फंडा
तसा सोपा आहे यार
दुसर्‍यांच्या मनात
घर करून रहायचं...!

© शिवाजी सांगळे 🎭
http://marathikavita.co.in/preranadai-kavita/t25408/new/#new