वसा
आता हे शब्द मला लिहितात...
कधीकाळी मी यांना वेचत होतो
लिहायचो परखडपणे काहीबाही
लोकांच्या डोळ्यात बोचत होतो
आता हे शब्द मला लिहितात...
येवढी त्यांना माझी सवय झाली
आपोआप उतरतात कागदावर
कुणास ठाऊक कशी गट्टी झाली
आता हे शब्द मला लिहितात...
वाटते, खेळ हा कधीच थाबू नये
भले होवो काहीही या जीवाचे
घेतलेला हा सृजन वसा सुटू नये
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा