ओघळ

दे धक्का...! शिश महल

दे धक्का...!
शिश महल

घराचं स्वप्न पाहताना
स्वतःचं एक घर असावं
प्रत्येकाचे गोड स्वप्न असते !

काचेच्या घरात राहून
कधीही दुसर्‍याच्या घरावर
दगड मारणे योग्य नसते !

राजकिय धुळवडीत
खेळताना परस्परांची मात्र
काळजी घ्यायचीच असते !

© शिवाजी सांगळे 🎭

दे धक्का...! पाळायचे नियम?

दे धक्का...!
पाळायचे नियम?

दुसर्‍यांनीच नियम पाळावेत
असाच प्रत्येकाचा हट्ट असतो,
स्वार्था आड कोणी गेला तर
तो अधिकारी नकोसा ठरतो!

सुधारणा व्हायला हवी तर
नियम हे पाळावेच लागणार,
मोडून नियम असे, अधिकारी
यंत्रणा मग कशी चालवणार?

© शिवाजी सांगळे🎭
http://marathikavita.co.in/marathi-vatratika/!-24715/new/#new

दे धक्का...! कुणास ठावुक?

दे धक्का...!
कुणास ठावुक?

कुणास ठावुक?
आज काल काय चाललयं?
यमराज चिडलाय
कि लोकांचं नशिब फिरलयं?

यमराज नेतो आहे?कि
लोक आत्महत्या करतात?
रेल्वे न् रस्ते अपघाती
बरेच जीव रोज दगावतात !

© शिवाजी सांगळे🎭
http://marathikavita.co.in/marathi-vatratika/!-24690/new/#new

दे धक्का...! बलात्कार

दे धक्का...!
बलात्कार

कोणताही बलात्कार
हा बलात्कारच असतो,
त्याला जाती व धर्माचा
कसलाही रंग नसतो !

त्याला फक्त गंध विकृत
मानसिकतेचाच असतो,
छुप्या ह्या मानसिकतेचा
काटा काढायचा असतो !

© शिवाजी सांगळे🎭
http://marathikavita.co.in/marathi-vatratika/!-24675/new/#new

दे धक्का...! स्टेटस सिंबाँल

दे धक्का...!
स्टेटस सिंबाँल

घोटाळे, भ्रष्टाचार हे तर
आता स्टेटस सिंबाँल आहे,
विरोधातला असो वा सत्तेला
कुणी ना कुणी अडकला आहे !

पकडला जातो तो चोर
नाही तर, तो साव ठरतो आहे,
करूनीही भानगडी अनेक, ताठ
मानेनं लोकात मिरवतो आहे !

© शिवाजी सांगळे🎭
http://marathikavita.co.in/marathi-vatratika/!-24672/new/#new

दे धक्का...! कधी कळणार?

दे धक्का...!
कधी कळणार?

बुरहान वाणीला हुतात्मा ठरवुन
म्हणे काळा दिवस पाळणार,
अनेक निष्पाप लोकांचे जीव गेले
हे शरीफला कधी कळणार?

केवळ सुडबुध्दी ठेवुन जगायचं
एवढच त्यांना आहे ठावूक,
नित्य रडगाणं ऐकून त्याच, नेत्यांनो
होवु नका उगीच तुम्ही भावुक!

© शिवाजी सांगळे 🎭

http://marathikavita.co.in/marathi-vatratika/!-24641/new/#new

दे धक्का...! घोटाळ्याची प्रगती

दे धक्का...!
घोटाळ्याची प्रगती

सिंचन घोटाळ्याची प्रगती
कोर्टानेच आता विचारली,
दोन आठवड्यात माहिती द्या
अशी तोंडी सूचना दिली !

पवार, तटकरे पुन्हा एकदा
चौकशीच्या रडारवर येणार,
भुजबळ आधीच अडकले
बाकिच्यांचे काय होणार?

© शिवाजी सांगळे 🎭
http://marathikavita.co.in/marathi-vatratika/!-24636/new/#new

दे धक्का...! खड्डे किमया

दे धक्का...!
खड्डे किमया
खड्यांची किमया सारी
ठेकेदार भरतो तिजोरी,
घेते मोडून हाडे नित्य
जनता सामान्य बिचारी!

खड्या भोवती अर्थकारण
लोकप्रतीनिधी त्या कारण,
कर वसुली करूनी सारी
का न हो समस्या निवारण?

© शिवाजी सांगळे 🎭
http://marathikavita.co.in/marathi-vatratika/!-24628/new/#new

दे धक्का...! अडते ती अडत

दे धक्का...!
अडते ती अडत

आला पावसाळा आता
भाजी पाल्याची भरमार,
होउन पुरवठा मुबलक
स्वस्ताई लवकर येणार !

आशेवर सामान्य जन
कधीचा वाट पहात बसला,
अडत वसुली बंदी मुळे
व्यापारी पण अडून बसला!

© शिवाजी सांगळे 🎭
http://marathikavita.co.in/marathi-vatratika/!-24602/new/#new