वाटा...

वाटा

अश्वस्त किती काळ रहावे?
बांधली जरी शिल्पे तटावरी
फिरते घेउन वादळास येथे
लाट येण्या ती किनार्‍यावरी !

अखंडतेचा ध्यास धरावा
कुठवर आता ह्या पावलांनी,
उरतात जखमा येथल्या
वाळूवर मग कणा कणांनी !

हेलकावे मनाचे हे जणू
वाहतात या सागर लाटा,
उमटविल्या जरी कितीही
मिटतात वाळूवरील वाटा !

© शिवाजी सांगळे 🎭

http://marathikavita.co.in/marathi-kavita-others/t24872/new/#new

दे धक्का...! निष्काळजीचा फटका

दे धक्का...!
निष्काळजीचा फटका

निष्काळजी पणाचा फटका
ब्रिटीशकालीन पुलाने दिला,
आगावु सुचना मिळून सुध्दा
पुल वाहतुकीस होता खुला!

बेपत्ता झालेली माणसं, वाहनं
कधी, कशी शोधली जाणार?
घडलेल्या दुर्घटनेची अंतरीम
जबाबदारी आता कोण घेणार?

© शिवाजी सांगळे 🎭
http://marathikavita.co.in/marathi-vatratika/!-24870/new/#new

सांज चारा

!! श्रावण !!

!! श्रावण !!

शब्द सरी बरसल्या, मन चिंबचिंब झाले,
श्रावण महतीने मन कसे श्रावणमय झाले !

प्रथम, श्रावण स्वागता व्रत नागपंचमी आले,
जाणिवेने सण व्रतांच्या मन उल्हासित झाले !

व्दीतीय, नारळी पौर्णिमा श्रीफळ रत्नाकरा अर्पिले,
टिकविण्या नाते जन्माचे रक्षाबंधना भाऊराय आले !

तृतीय, मंगळागौर सणाला नव्यानवरींनी अंगण सजले,
झिम्मा फुगडया खेळांनी जागरण खेळता रंगले !

चतुर्थ, गोकुळी अष्टमीला सावळे श्रीकृष्ण जन्मले,
नंतर बाळगोपाळ एकत्र दहिहंडी साठी खेळले !

पंचम, अमावस्या पुन्हा बैलपोळा नावाने म्हटले,
कष्टतात जे वर्षभर सारे कृतज्ञतेने त्यांना पुजिले !

© शिवाजी सांगळे 🎭

दे धक्का...! लोकल/टेल्गो

दे धक्का...!
लोकल/टेल्गो

एक नवं क्रांती पर्व
आता सुरू होणार आहे,
सर्वाधिक वेगवान "टेल्गो"
भारतीय रेल्वेत आली आहे!

वेगवान "टेल्गो"चं स्वागत
आपण मना पासुन करायचं,
एक विनंती रेल्वे प्रशासनाला
ठेवायच भान लोकल समस्यांच!

© शिवाजी सांगळे 🎭
http://marathikavita.co.in/marathi-vatratika/!-24849/new/#new

असा किनारा

दे धक्का...! श्रध्दा कि संपत्ती?

दे धक्का...!
श्रध्दा कि संपत्ती?

शिर्डी विश्वस्तमंडळा साठी
राजकारण्यांची नसतांना मर्जी,
काही पुढार्‍यांनी लागलीच
जाहिर केली आपली नाराजी !

बाबावरची श्रध्दा म्हणायची?का
नजर भरणार्‍या त्या झोळीवर?
प्रत्येकाला मात्र कायम वाटतं
पडावं तुप आपल्याच पोळीवर !

© शिवाजी सांगळे🎭
http://marathikavita.co.in/marathi-vatratika/!-24826/new/#new

दे धक्का...! मनोरा वय वर्षे २०

दे धक्का...!
मनोरा वय वर्षे २०

अनधिकृत बांधकामे
आता अधिकृत करणार,
विस वर्षेच जुना "मनोरा"
पाडून पुन्हा बांधणार !

लोकांच्या पैश्यावर मात्र
राजकारणी निवास करणार,
निकृष्ट कामा बद्ल, कोण
कोणाला जाब विचारणार?

© शिवाजी सांगळे🎭
http://marathikavita.co.in/marathi-vatratika/!-''-24816/new/#new

का रे, तू असा?

का रे, तू असा?

का रे पावसा तू असा?
आल्यावर कहर करतोस!
बरसु लागलास तर,
बेधुंद कसा काय बरसतोस?

आम्ही असतो घाईत
जरा दमान घेत जा,
सकाळ, संध्याकाळची
वेळ टाळून येत जा!

ठरल्या वेळी असते
आम्हा पकडायची गाडी
नेमकी तेव्हाच काढतोस
का तू आमची खोडी ?

हो, अचानक येतोस
धांदल उडवुन देतोस,
कामावर जाते वेळी
चक्क भिजवून जातोस!

माहीत आहे, तुझी ड्यूटी
असते फक्त चार महिने,
तरीही पहात असतो
वाट तूझी आठ महिने !

तूच जीवन, तूच सर्व
नातचं असं तूझ्याशी,
सांभाळायला पर्यावरण
पाणीदार बुद्धी दे जराशी!

© शिवाजी सांगळे🎭
http://marathikavita.co.in/marathi-kavita-others/t24811/new/#new

दे धक्का...! कोटींचा तोटा

दे धक्का...!
कोटींचा तोटा

प्रभु म्हणे मुंबई लोकलला
तीन हजार कोटींचा तोटा,
जादा महसुल देत असता
किती खरा किती खोटा ?

"अनुदानित भाडे रचना हे
यामागचे प्रमुख कारण आहे",
अप्रत्यक्ष पणे चाकरमान्यांनो
हि भाडे वाढीची सुचना आहे !

© शिवाजी सांगळे🎭
http://marathikavita.co.in/marathi-vatratika/!-24808/new/#new