भाव जळाचा
वाहत्या जळासम एकरुप व्हावे
खळाळणे त्याचे मनात रूजवावे
राग लोभ द्वेष सारे ते आतले
होत अलिप्त कडेस सोडून द्यावे
येवो पुढ्यात कोणी कधी कसा
तृष्णा तृषार्ताची शमवित जावे
भाव जळाचा अलिप्ततेचा ठेवा
अनुसरण करण्या प्रयत्ने रहावे
नाते मनाचे सृष्टीची कथा अखंड
मैत्र त्यांचे शिवाशी बंधानी उरावे
© शिवाजी सांगळे 🎭
मो. ९५४५९७६५८९
http://marathikavita.co.in/preranadai-kavita/t31748/new/#new
