सुराज्याची हाळी १९१०२०२५ yq १६:४९:५२

सुराज्याची हाळी

व्हावी दिन दिन दिवाळी रोज रोज 

अन् सुखांची मांदियाळी रोज रोज

बरसात आनंदाची होऊदे सर्वोपरि

अन् भय दु:खाची,होळी रोज रोज

एकएक फटाका वाजत उंच जाता 

तमो गगनी, तेज उजळी रोज रोज

मिष्टान्न,फराळ गोड लाभो सर्वांसी 

नी गरीबा पोटभर थाळी रोज रोज 

अंत नसावा येथे कुणाच्या सुखाला

सुराज्याची गुंजावी हाळी रोज रोज 

©शिवाजी सांगळे 🦋 papillon

संपर्क: +९१ ९५४५९७६५८९

लुटालूट

लुटालूट

एकाच माळेचे सगळे हे मणी

उखाळ्यापाखाळ्या बघा काढू लागले,

विसरून स्वतःची पुर्व कर्मे

वैयक्तिक गंभीर आरोप करीत सुटले!

राजकारणाच्या स्वच्छ धंद्यात

कुणाशी कायम शत्रुत्व असते कुठले?

काही दिवस तुझं माझं करून

स्वार्थापोटी युती करायची, हे असले!

जमेल तसे, अन् जमेल तेवढे

सत्तेचे खरे सुख यांनी उपभोगून घेतले,

जनहित म्हणत,दिशाभूल करुन

आपल्याच पोळीवर तुप ओढून लुटले!

https://marathikavita.co.in/index.php?topic=66925.new#new

 

©शिवाजी सांगळे 🦋papillon

संपर्क: +९१ ९५४५९७६५८९

शोधात स्वतःच्या ०११०२०२५ yq १५:२५:०५

शोधात स्वतःच्या

स्वतःच्या शोधात कुठवर आता फिरायचे 

कोण आपले, कोण परके कसे शोधायचे

आहे कुठे वेळ एवढा, सांभाळण्या नाती

खाद्यासाठी दिवसभर फडफडत रहायचे

वाट्याला जे आले, ते समजून मधूर सारे

पंखावरले वर्ख,सह्रदयांस मुक्त वाटायचे

अल्पजीवी नाते, अल्प जीवन आहे तरी

घेत स्वानंद, मनमुराद चौफेर बागडायचे

कोण आपले, कोण परके कसे शोधायचे

स्वतःच्या शोधात कुठवर आता फिरायचे

©शिवाजी सांगळे 🦋papillon

संपर्क: +९१ ९५४५९७६५८९

लाटेचे विरहगीत

लाटेचे विरहगीत

ओझरता काय होतो किनाऱ्यास स्पर्श लाटेचा

माघारी जाता म्हणते हा योग आपल्या भेटीचा

मलाही वाटते खुपदा थांबावे तुझ्या सोबतीला

तटस्थ ठाम तु,तोडू कसा नियम हा प्राक्तनाचा

अनिर्बंध धावते मी, खळाळून आशेने भेटीच्या

भेटता क्षणीच, जीव होतो पाणी पाणी मनाचा

सारेच येथले अनाकलनीय काही कळत नाही

परिस्थितीत साऱ्या कुणी दोष कुणास द्यायचा

तरी बरं,सोबती तुझ्या असतात बरीच जोडपी

ठरवते पाहून त्यांना,विरह आपला विसरायचा

अनोखा संसार मांडला नियतीने जगी आपला

कळेना टाळायचा कसा अटळ भोग जीवनाचा

https://marathikavita.co.in/index.php?topic=66530.new#new

©शिवाजी सांगळे 🦋papillon

संपर्क: +९१ ९५४५९७६५८९

व्वाह रे जिंदगी

व्वाह रे जिंदगी

खुप रहस्ये घेऊन जेव्हा असते जिंदगी
मनातल्या मनामधे तेव्हा हसते जिंदगी

कमतरता नाही भोवती येथे पारंगतांची
अमिषांना त्यांच्या सहज फसते जिंदगी

होऊन करता चांगुलपणा, अंगाशी येतो
धरून डोके आपलेच मग बसते जिंदगी

धावते,थकते रात्रंदिन न् लगेच जाणवते
खिजगणतीत कुणाच्याच नसते जिंदगी

वारंवार येता वाट्याला, सुन्न हताशपणा
स्वतःलाच रे  'शिव' सतत डसते जिंदगी

https://marathikavita.co.in/index.php?topic=66467.new#new

©शिवाजी सांगळे 🦋papillon
संपर्क: +९१ ९५४५९७६५८९ 

रंग स्वप्न

रंग स्वप्न

डोळ्यात स्वप्न असतात...घेऊन कैक रंग 
उतरतात सत्यात काही,होतात काही भंग

सांडूनि रंग वर्ख..उरतात कित्येक माघारी
पाठलाग जीवनाचा करतात सारेच हे रंग

मिसळतात परस्परात मोजके ते पारदर्शी 
काहींच्या वाट्या असते, होणे स्वतःत दंग

त्यातल्यात्यात बरे स्वप्नां पुरताच खेळ हा 
सत्यात येता येता, टिकतील का यांचे ढंग

वाटते एक भिती अनामिक..रोज जागता 
अप्रत्यक्षपणे त्या, लागला माणसांचा संग

https://marathikavita.co.in/index.php?topic=65694.new#new

©शिवाजी सांगळे 🦋papillon
संपर्क: +९१ ९५४५९७६५८९

कारण

कारण  

आनंदी व्हायला कारण कुठे लागते!
नाराज व्हायला कारण कुठे लागते!

झुळूक वाऱ्याची हळू स्पर्शून जाता 
कुणाला त्रासदायक का कुठे वाटते!

माझे तुझे अन् तुझे माझे, करतांना 
सौख्य खरे,अंतर्मनाला कुठे भासते?

अनिश्चित जीवन अल्पकाळ येथले
जाणण्या रात्रंदिन कुठे कुठे जागते!

म्हणा,गेला तो सुखाने, क्षण आला 
कवटाळून व्यथा,सुख कुठे लाभते!

https://marathikavita.co.in/index.php?topic=65304.new#new

©शिवाजी सांगळे 🦋papillon
संपर्क: +९१ ९५४५९७६५८९

मतला शेर १७०९२०२५ ya १४:०५:३०

मतला शेर

ये दुनिया किसी की सगी तो नहीं है
बेवजह तारीफ कहीं ठगी तो नहीं है

पहचान से सिर्फ करीब वो इतने आयें
और पता चला हमारी सखी तो नहीं है

चोंटें लगती है अक्सर कडवी बातों से
फिर पुछते है दिल को लगी तो नहीं है

अचरज है खैरात देता लालची देखना 
असल में इतना बडा त्यागी तो नहीं है

©शिवाजी सांगळे 🦋papillon
संपर्क: +९१ ९५४५९७६५८९

भास गोजिरा

भास गोजिरा

सखये भास तुझे भोवती का सारखे फिरावे
सावलीत न् कधी जळी प्रतिबिंबात दिसावे

बावरते वेळोवेळी, जसे वाऱ्यावरी फुल वेडे
बैचेन मन माझे का म्हणे भ्रमरा सम वागावे

छाया, पडछाया, अचानक कवडसे बिलोरी
धरु पाहता हाती सारेच का नजरेतून सुटावे

ओढ वेड्या मनाची, माझ्या आगळी वेगळी
जाणून सत्य ते, तुला सहज का न उमजावे

ठेवावी कुठवर मी आशा, भेट होण्या तुझी
विचार करता हसू, न् प्रत्यक्षात मी फसावे?

किती काळ जोपासू,भास हा मनी गोजिरा
भेट नसता समक्ष,जगण्या त्राण कसे उरावे

https://marathikavita.co.in/index.php?topic=64978.new#new

©शिवाजी सांगळे 🦋papillon
संपर्क: +९१ ९५४५९७६५८९

जुने संदेश १२०९२०२५ yq १५:१५:२५

जुने संदेश

पुन्हा आज पाहिले संदेश जुने तीचे 

उमगले गुण काही अधिक उणे तीचे 

आयुष्य का जगता येते, स्वप्नात येथे

सलायचे सत्यास खाली पाहणे तीचे 

असतात काही इच्छा आकांक्षा मनी

चुक होते एकांगी विचार करणे तीचे 

करावी मान्य परिस्थिती सत्य येथली

खरे का म्हणू भुतकाळात रमणे तीचे

नाही ठेवायचे बोट, 'ती' म्हणून मला 

संदर्भात होते, खुप हट्टी वागणे तीचे 

©शिवाजी सांगळे 🦋papillon

संपर्क: +९१ ९५४५९७६५८९