प्रकाशात रात्र प्रहरी

प्रकाशात रात्र प्रहरी

विविध रंगी भासली माणसं
धावपळीत हिरवी बरीच
थोडीफार मंद, सुस्त पिवळी
स्तब्ध साम्राज्यात लाल सर्वत्र !

मळकट, घामेजलेे याचकी
अव्याहत सुर काही रंगांचे,
खाकी रंग सदैव फिरते
अनिर्बंध अगम्य गोंगाटाचे!

धडधडते ईंजिन काळीज
आणखी हळवी सासुरवाशीन,
घेउन स्वप्नरंग चाकांवरती
हरखलेली, बसलेली सावरून!

अनेक छटा श्रीमंतीच्या
बाबा गाडीतल्या बाल हसण्याच्या,
काही आक्रोशुन पहुडलेल्या
फाटक्यावस्री विस्कटल्या केसांच्या !

© शिवाजी सांगळे 🎭

http://marathikavita.co.in/marathi-kavita-others/t23692/new/#new