निष्फळ
भेटशील पुन्हा नव्याने...वाटलं होतं
काय बोलू काहूर मनात दाटलं होतं
होणार का सार्थक भेटीचं आपल्या
उगाचच शंकेने मनाला ग्रासलं होतं
पाहता तुज हाती, एक लाल गुलाब
आपसूक मनाला हायसं वाटलं होतं
गैरसमज सर्व झाले की करून दिले
निष्फळ भेटीत कळून...चुकलं होतं
असू दे, झालं ते योग्य झालं, समजू
कदाचित नशिबात हेच लिहिलं होतं
https://marathikavita.co.in/index.php?topic=45278.new#new
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा